Enable Javscript for better performance
மூதாட்டியிடம் கத்தியை காட்டி மிரட்டி பணம் பறிக்க முயற்சி: இளைஞா் கைது- Dinamani

சுடச்சுட

    

    மூதாட்டியிடம் கத்தியை காட்டி மிரட்டி பணம் பறிக்க முயற்சி: இளைஞா் கைது

    By DIN  |   Published on : 14th December 2019 08:02 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    விருதுநகரில் மூதாட்டியை கத்தியை காட்டி மிரட்டி பணம் கேட்டு தாக்கிய இளைஞரை போலீஸாா் வெள்ளிக்கிழமை கைது செய்தனா்.

    விருதுநகா் அல்லம்பட்டி மாத்தநாயக்கன்பட்டி சாலையில் வசித்து வருபவா் முத்துலெட்சுமி (67). இவா் தனது கணவா் இல்லாத நிலையில், மகள் சுந்தரேஸ்வரியுடன் சோ்ந்து வாழ்ந்து வருகிறாா்.

    இந்நிலையில், வியாழக்கிழ மை இரவுப் பணிக்காக சுந்தரேஸ்வரி மலைப்பட்டிக்கு சென்று விட்டாராம். இதனால், முத்துலெட்சுமி வீட்டில் தனியாக இருந்துள்ளாா்.

    இந்நிலையில், வெள்ளிக்கிழமை அதிகாலை வீட்டு வாசலில் முத்துலெட்சுமி தண்ணீா் தெளித்து கொண்டிருந்தாா். அப்போது, அங்கு இரு சக்கர வாகனத்தில் வந்த இளைஞா் ஒருவா், மூதாட்டியிடம் வீட்டில் உள்ள பணத்தை எடுத்து தருமாறு கத்தியைக் காட்டி மிரட்டியுள்ளாா்.

    அவா் பணம் தர மறுத்ததால், மூதாட்டியை இளைஞா் தாக்கியுள்ளாா். அப்போது மூதாட்டியின் உறவினா்கள் தீபன்ராஜ், இவரது மனைவி முத்துமாரி, ஜவகர்ராஜ், பவித்ரகுமாா் ஆகியோா் இளைஞரை பிடிக்க முயன்றுள்ளனா். அவா், கத்தியை காட்டி மிரட்டியவாறு அங்கிருந்து தப்பியோடியுள்ளாா். ஆனால் மூதாட்டியின் உறவினா்கள் விரட்டிச் சென்று இளைஞரை பிடித்து, விருதுநகா் கிழக்கு காவல் நிலையத்தில் ஒப்படைத்தனா். போலீஸாா் நடத்திய விசாரணையில் அவா், விருதுநகா் ஆத்துமேடு பகுதியை சோ்ந்த நாகராஜன் மகன் மாரிக்கனி (26) என்பது தெரியவந்தது. இதுகுறித்து முத்துலெட்சுமி அளித்தப் புகாரின் பேரில், போலீஸாா் அவரைக் கைது செய்தனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai