சிவகாசியில் ஓமந்தூர் ராமசாமி பிறந்தநாள் விழா
By DIN | Published On : 02nd February 2019 06:07 AM | Last Updated : 02nd February 2019 06:07 AM | அ+அ அ- |
விருதுநகர் மாவட்ட பாரதிய ஜனதா கட்சியின் பிற்படுத்தப்பட்டோர் அணி சார்பில் தமிழக முன்னாள் முதல்வர் ஓமந்தூர் ராமசாமி ரெட்டியார் பிறந்த நாள் விழா வெள்ளிக்கிழமை நடைபெற்றது.
சிவகாசி ரயில்வே பீடர் சாலையில் அமைக்கப்பட்டிருந்த அவரது உருவப் படத்திற்கு அக்கட்சியின் மாவட்டத் தலைவர் பழனிச்சாமி மாலை அணிவித்து மரியாதை செலுத்தினார். பொதுமக்களுக்கு இனிப்பு வழங்கப்பட்டது. நிகழ்ச்சியில் மாவட்ட தொழில் பிரிவுத் தலைவர் நாகலிங்கம், முன்னாள் நகர் மன்ற உறுப்பினர் ஆறுமுகச்சாமி, ஒன்றியத்தலைவர் சந்திரசேகர் உள்ளிட்டோர் கலந்து கொண்டனர்.
