கிறிஸ்தவா்கள் ஜெருசலேம் புனிதப்பயணம் செல்வதற்கு நவம்பா் 30 ஆம் தேதி வரை விண்ணப்பிக்கலாம் என விருதுநகா் மாவட்ட ஆட்சியா் அ. சிவஞானம் தெரிவித்துள்ளாா்.
இது குறித்து அவா் மேலும் கூறியிருப்பதாவது:
கிறிஸ்தவா்கள் ஜெருசலேம் புனிதப் பயணம் மேற்கொள்வதற்காக தமிழக அரசு சாா்பில் ஒருவருக்கு ரூ.20 ஆயிரம் நிதி உதவி வழங்கப்படுகிறது. இப்புனிதப் பயணம் பெத்லஹேம், ஜெருசலேம், நாசரேத், ஜோா்டான் நதி, கலிலீயோ சமுத்திரம் மற்றும் கிறிஸ்த்தவ மத தொடா்புடைய பிற புனித தலங்களையும் உள்ளடக்கியது.
நிகழாண்டு, 50 கன்னியாஸ்திரிகள், அருட்சகோதரா்களுக்கு இத்திட்டத்தின் கீழ் புனிதப் பயணம் மேற்கொள்ள அரசு ஆணையிட்டுள்ளது. இதற்கான விண்ணப்ப படிவங்கள் மாவட்ட ஆட்சியா் அலுவலகங்களில் செயல்படும் மாவட்ட பிற்படுத்தப்பட்டோா் மற்றும் சிறுபான்மையினா் நல அலுவலகங்களில் கட்டணமின்றி பெறலாம். மேலும், இணையதள முகவரியிலும் பதிவிறக்கம் செய்து கொள்ளலாம்.
இப்பயணம் மேற்கொள்ள விண்ணப்பிக்க காலக்கெடு 30.11.2019 வரை நீட்டிக்கப்பட்டுள்ளது. பூா்த்தி செய்யப்பட்ட விண்ணப்பங்களை தேவையான அனைத்து இணைப்புகளுடன் அஞ்சல் உறையில் ‘கிறிஸ்தவா்களின் ஜெருசலேம் புனிதப் பயணத்திற்கான நிதியுதவி கோரும் விண்ணப்பம் 2019-20’ என்று குறிப்பிட்டு, ஆணையா், சிறுபான்மையினா் நலத்துறை, கலசமகால் பாரம்பரிய கட்டடம், முதல் தளம், சேப்பாக்கம், சென்னை-600 005 என்ற முகவரிக்கு நவம்பா் 30 ஆம் தேதிக்குள் அனுப்ப வேண்டும் (நேரில் வர தேவை யில்லை). மேலும் விவரங்களுக்கு மாவட்ட பிற்படுத்தப்பட்டோா் (ம) சிறுபான்மையினா் நல அலுவலா், மாவட்ட ஆட்சியா் அலுவலகம் மற்றும் சிறுபான்மையினா் நல இயக்குநரகத்துக்கு 044-28520033 என்ற தொலைபேசி எண்ணில் தொடா்பு கொள்ளலாம் என அதில் தெரிவித்துள்ளாா்.