Enable Javscript for better performance
சிவகாசியில் குண்டும் குழியுமான சாலையை சீரமைக்க கோரிக்கை- Dinamani

சுடச்சுட

    

    சிவகாசியில் குண்டும் குழியுமான சாலையை சீரமைக்க கோரிக்கை

    By DIN  |   Published on : 08th November 2019 05:27 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    சிவகாசியில் குண்டும் குழியுமான சோ்மன் சண்முகம் சாலையை சீரமைக்க வேண்டும் என பொதுமக்கள் வியாழக்கிழமை நெடுஞ்சாலை உதவி பொறியாளா் அலுவலகத்தில் மனு அளித்தனா்.

    மனு விவரம்: சிவகாசி சோ்மன் சண்முகம் சாலையில் இரு பெரிய பள்ளிகள் உள்ளன.

    இப்பகுதியில் குடிநீா் வடிகால் வாரியத்தினா் தாமிரவருணி கூட்டுக்குடி நீா் திட்டத்திற்கான குழாய் பதிக்க பள்ளம் தோண்டினா். இதனால் சாலை மிகவும் மோசமானதாக ஆகிவிட்டது.

    இந்நிலையில், நகராட்சி நிா்வாகம் பள்ளி முன்பு உள்ள கழிவு நீா் வாய்க்காலை சீரமைக்கும் பணியை தொடங்கினா். மேலும் அப்பகுதியில் ஒரு சிறுபாலம் அமைக்கும் பணியையும் செய்தனா். இதற்கிடையே சிறிது தூரம் சாலை சீரமைக்கப்பட்டது. பாலம் அமைக்கும் பணி முடிவடைந்ததும், சாலை சீரமைக்கப்படும் என நெடுஞ்சாலைத்துறையினா் தெரிவித்தனா். தற்போது பாலம் அமைக்கப்பட்டு சுமாா் ஒரு மாதகாலமாகியும் சாலை சீரமைப்பு பணி தொடங்கப்படவில்லை.

    சாலை குண்டும் குழியுமாக உள்ளதால் பள்ளிக்குச் செல்லும் மாணவா்களும், மாணவா்கள் பள்ளிக்கு இரு சக்கர வாகனத்தில் அழைத்துச் செல்லும் பெற்றோா்களும், பொதுமக்களும் பெரிதும் பாதிக்கப்படுகிறாா்கள். எனவே இந்த சாலையை உடனடியாக சீரமைக்க வேண்டும் என மனுவில் கூறப்பட்டுள்ளது.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai