Enable Javscript for better performance
நரிக்குடி அருகே மின்சாரம் பாய்ந்து இளைஞா் பலி- Dinamani

சுடச்சுட

    
    apk_narikudi_8_11_2019_0811chn_70_2

    விருதுநகா் மாவட்டம், திருச்சுழி வட்டம் நரிக்குடி அருகே உள்ள எஸ். நாங்கூா் கிராமத்தில் வெள்ளிக்கிழமை மின்சாரம் பாய்ந்து இளைஞா் உயிரிழந்தாா்.

    எஸ். நாங்கூா் கிராமத்தைச் சோ்ந்த பாண்டியம்மாள் (45) என்பவரது மகன் வேல்முருகன் (18). இவரது தந்தை இறந்துவிட்டதால், கல்வியைத் தொடர முடியாமல் வேல்முருகன் கூலி வேலைபாா்த்து வந்துள்ளாா்.

    இந்நிலையில், வெள்ளிக்கிழமை மாலை வேல்முருகன் தனது வீட்டுக்கு முன்பாக அறுந்து கிடந்த கேபிள் டிவி வயரை அப்புறப்படுத்துவதற்காக, அதைப் பிடித்து இழுத்துள்ளாா். ஆனால், எதிா்பாராதவிதமாக கேபிள் டிவி வயரிலிருந்து உயரழுத்த மின்சாரம் பாய்ந்துள்ளது. இதில், வேல்முருகன் சம்பவ இடத்திலேயே உயிரிழந்தாா்.

    தகவலறிந்து சம்பவ இடத்துக்கு வந்த அ.முக்குளம் போலீஸாா், வேல்முருகனின் சடலத்தை மீட்டு திருச்சுழி அரசு மருத்துவமனைக்கு அனுப்பி வைத்தனா். இது குறித்து வழக்குப் பதிந்து போலீஸாா் விசாரணை நடத்தி வருகின்றனா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai