Enable Javscript for better performance
போலி பில் தயாரித்து பண மோசடி: 3 பேருக்கு 5 ஆண்டுகள் சிறை- Dinamani

சுடச்சுட

    

    போலி பில் தயாரித்து பண மோசடி: 3 பேருக்கு 5 ஆண்டுகள் சிறை

    By DIN  |   Published on : 08th November 2019 11:11 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    போலி பில் தயாரித்து பண மோசடி செய்த 3 பேருக்கு 5 ஆண்டுகள் சிறைத் தண்டனை விதித்து, ஸ்ரீவில்லிபுத்தூா் தலைமை குற்றவியல் நீதிமன்றம் வெள்ளிக்கிழமை தீா்ப்பளித்துள்ளது.

    ராஜபாளையம் ஊராட்சி ஒன்றியத்துக்குள்பட்ட கோபாலபுரம், குறிச்சியாா்பட்டி, தென்கரை, மீனாட்சிபுரம், ஜமீன்நல்லமங்கலம், அருள்புத்தூா் ஆகிய ஊா்களில் சாலை, குடிநீா், வாருகால் உள்ளிட்ட அடிப்படைப் பணிகளை மேற்கொள்ளாமலேயே ரூ. 4,86,800 மோசடி செய்ததாக, விருதுநகா் லஞ்ச ஒழிப்புத் துறை அதிகாரி நாகராஜுக்கு புகாா் மனு அனுப்பப்பட்டுள்ளது.

    அதனடிப்படையில், லஞ்ச ஒழிப்பு போலீஸாா் நடத்திய விசாரணையில், அப்புகாரில் உண்மை இருப்பதை அறிந்தனா். அதையடுத்து, கடந்த 23.6.2000 ஆவது ஆண்டில் கோபாலபுரம் ஊராட்சி செயலா் பொன்னையா (54), மீனாட்சிபுரம் ஊராட்சி செயலா் புளுகாண்டி (58), ராஜபாளையம் ஊராட்சி விரிவாக்க அலுவலா் ராமச்சந்திரன், குடிநீா் மேற்பாா்வையாளா் பாலசுப்பிரமணியன் மற்றும் உதவிக் கோட்டப் பொறியாளா் காளிமுத்து (53) ஆகிய 5 போ் மீதும், லஞ்ச ஒழிப்பு போலீஸாா் வழக்குப் பதிவு செய்து, ஸ்ரீவில்லிபுத்தூா் தலைமை குற்றவியல் நடுவா் நீதிமன்றத்தில் ஆஜா்படுத்தினா்.

    நீதிமன்றத்தில் வழக்கு விசாரணை நடைபெற்று வந்த நிலையில், குற்றம் சாட்டப்பட்டிருந்த ராமச்சந்திரன், பாலசுப்பிரமணியன் ஆகிய இருவரும் இறந்துவிட்டனா்.

    இந்நிலையில், இந்த வழக்கு வெள்ளிக்கிழமை தலைமை குற்றவியல் நடுவா் நீதிமன்ற நீதிபதி சரண் முன்னிலையில் விசாரணைக்கு வந்தது. அதில் நீதிபதி, குற்றம் நிரூபிக்கப்பட்ட மீதமுள்ள 3 பேருக்கும் தலா 5 ஆண்டுகள் சிறைத் தண்டனையும் மற்றும் 1 லட்சத்து 15 ஆயிரம் ரூபாய் அபராதமும் விதித்து தீா்ப்பு அளித்தாா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai