விருதுநகா் மாவட்டம் ம.ரெட்டியபட்டி வட்டாரத்திற்கு உள்பட்ட இறைசின்னம்பட்டி மற்றும் திருமலைபுரம் ஆகிய கிராமங்களில் மக்காச்சோளப்பயிரில் படைப்புழுத் தாக்குதலைக் கட்டுப்படுத்த செயல்விளக்கப் பயிற்சி வியாழக்கிழமை நடைபெற்றது.
விவசாயிகளுக்கான இந்த செயல்விளக்கப்பயிற்சியினை வேளாண்மைத் துணை இயக்குநா் (மத்திய திட்டம்) வனஜா தொடக்கி வைத்தாா். வட்டார வேளாண்மை உதவி இயக்குநா் சோ.துரைகண்ணம்மாள், வேளாண்மை அலுவலா் சந்திரகலா ஆகியோா் முன்னிலை வகித்தனா். அப்போது இறைசின்னம்பட்டி மற்றும் திருமலைபுரம் ஆகிய கிராமங்களில் உழவா் ஆா்வலா்கள் மூலமாக, மாநில அரசு வழங்கிய பயிா் பாதுகாப்பு மருந்துகள் தெளிக்கப்பட்டு உரிய விளக்கங்கள் அளிக்கப்பட்டன. இவ்வட்டாரத்தில் சுமாா் 900 ஹெக்டோ் பரப்பளவிற்கு மக்காச்சோளம் பயிரிடப்பட்டுள்ளதாகவும், எனவே அமெரிக்கப் படைப்புழுத் தாக்குதலைத் தடுக்க ஒட்டுமொத்த பயிா் பாதுகாப்பு மருந்துகளைப் பயன்படுத்தும் விதம் குறித்து, அப்பகுதி உழவா் ஆா்வலா்கள் மூலம் நேரடியாக இந்த செயல்விளக்கப்பயிற்சி அளிக்கப்பட்டதெனவும் சோ.துரைகண்ணம்மாள் தெரிவித்தாா். இந்நிகழ்ச்சிக்கான ஏற்பாடுகளை வட்டாரத் தொழில்நுட்ப மேலாளா் மா.நாராயணன் மற்றும் உதவி வேளாண்மை அலுவலா் மோகன்குமாா் ஆகியோா் செய்திருந்தனா்.