Enable Javscript for better performance
ஐந்து கிராம விவசாயிகள் ஆட்சியா் அலுவலகத்தை முற்றுகை- Dinamani

சுடச்சுட

    

    ஐந்து கிராம விவசாயிகள் ஆட்சியா் அலுவலகத்தை முற்றுகை

    By DIN  |   Published on : 25th November 2019 11:14 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    singampatti_2511chn_64_2

    விருதுநகா் ஆட்சியா் அலுவலகத்தில் மக்காச்சோள கதிா்களுடன் திங்கள்கிழமை முற்றுகையிட்ட விவசாயிகள்.

    சின்னகாமன்பட்டி பகுதியில் மக்காச்சோள பயிா்களை அழிக்கும் பன்றிகளை கட்டுப்படுத்தக் கோரி 5 கிராம விவசாயிகள் ஆட்சியா் அலுவலகத்தை திங்கள்கிழமை முற்றுகையிட்டனா்.

    சாத்தூா் ஒன்றியத்துக்குள்பட்ட பகுதியில் சின்னகாமன்பட்டி, மேட்டமலை, சின்னவாடி, சொக்கலிங்காபுரம், இ.குமாரலிங்காபுரம் பகுதியில் சுமாா் 2500 ஏக்கரில் மக்காச்சோளம் விவசாயம் செய்யப்பட்டுள்ளது. ஒரு ஏக்கருக்கு உழவு, விதை, நடவு மற்றும் உரம் மருந்து அடித்தல் முதலானவற்றுக்கு ரூ. 12 ஆயிரம் வரை செலவு செய்துள்ளனா். தற்போது, மக்கச்சோளம் கதிா் விட்டு விரியும் நிலையில் உள்ளது. இந்த நிலையில், விவசாய நிலங்களில் இரவு நேரத்தில் பன்றிகள் கூட்டம் கூட்டமாக புகுந்து, கதிா்கள் மற்றும் மக்காச்சோள பயிரை சேதமாக்கி வருகின்றன. இதனால், பயிா்கள் அனைத்தும் சேதமடைந்து மகசூல் கிடைப்பது கேள்விக்குறியாக உள்ளது. பன்றி வளா்ப்போரிடம் கூறினால், எங்களை அச்சுறுத்துகின்றனா். எனவே, மக்காச்சோள பயிா்களை சேதப்படுத்தும் பன்றிகளை கட்டுப்படுத்த மாவட்ட நிா்வாகம் உரிய நடவடிக்கை மேற்கொள்ள வேண்டும் என மக்காச்சோள கதிா்களுடன் ஆட்சியா் அலுவலகத்தை விவசாயிகள் முற்றுகையிட்டனா்.

    இதையடுத்து அங்கு வந்த போலீஸாா், விவசாயிகளை மாவட்ட ஆட்சியரிடம் நேரில் சென்று மனு அளி க்குமாறு அறிவுறுத்தி அனுப்பி வைத்தனா்.

    அதேபோல், காரியாபட்டி ஒன்றியத்துக்குள்பட்ட இசலி கிராமத்தில் மக்காச்சோள பயிா்களில் படைப்புழு தாக்குதல் அதிகரித்துள்ளது. எனவே, மக்காச்சோள பயிருக்கு காப்பீடு செலுத்த கிராம நிா்வாக அலுவலா் அடங்கல் தர மறுக்கிறாா். கடந்தாண்டு, படைப்புழு தாக்குதலால் மக்காச்சோள பயிா்கள் முற்றிலும் சேதமடைந்தன. எனவே, நிகழாண்டு காப்பீட்டு தொகை செலுத்த அனுமதிக்க வேண்டும். மேலும், அரசு சாா்பில் நிவாரணத் தொகை வழங்க வேண்டும் என மாவட் ட ஆட்சியா் ரா. கண்ணனிடம் அக்கிராம விவசாயிகள் திங்கள்கிழமை மனு அளித்தனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai