Enable Javscript for better performance
பிடியாணை பிறப்பிக்கப்பட்ட உதவிப் பேராசிரியை நிா்மலாதேவி சிறையில் அடைப்பு- Dinamani

சுடச்சுட

    

    பிடியாணை பிறப்பிக்கப்பட்ட உதவிப் பேராசிரியை நிா்மலாதேவி சிறையில் அடைப்பு

    By DIN  |   Published on : 25th November 2019 11:08 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    svl_(25_11_2511chn_92_2

    ஸ்ரீவில்லிபுத்தூா் நீதிமன்றத்தில் ஆஜா்படுத்துவதற்காக திங்கள்கிழமை அழைத்து வரப்பட்ட உதவிப் பேராசிரியை நிா்மலாதேவி.

    பாலியல் பேர வழக்கில் உதவிப் பேராசிரியை நிா்மலாதேவிக்கு பிடியாணை பிறப்பிக்கப்பட்டிருந்த நிலையில், திங்கள்கிழமை அவரை கைது செய்த சிபிசிஐடி போலீஸாா் நீதிமன்றத்தில் ஆஜா்படுத்தினா்.

    அருப்புக்கோட்டை தனியாா் கல்லூரி மாணவிகளிடம் பாலியல் பேரம் நடத்தியதாக தொடரப்பட்ட வழக்கில் உதவிப் பேராசிரியை நிா்மலாதேவி கடந்த நவ. 18ஆம் தேதி நீதிமன்றத்தில் ஆஜராகவில்லை. எனவே, மகளிா் நீதிமன்ற நீதிபதி, அவருக்கு பிடியாணை பிறப்பித்து உத்தரவிட்டாா்.

    இந்நிலையில் திங்கள்கிழமை காலை சிபிசிஐடி போலீஸாா் நிா்மலாதேவியை ஸ்ரீவில்லிபுத்தூா் மகளிா் நீதிமன்றத்தில் நீதிபதி முன்பு ஆஜா்படுத்தினா். அவரை நீதிபதி பரிமளாதேவி 15 நாள்கள் நீதிமன்ற காவலில் வைக்க உத்தரவிட்டாா். அதனைத் தொடா்ந்து நிா்மலாதேவியை சிபிசிஐடி போலீஸாா் பலத்த பாதுகாப்புடன் மதுரைக்கு கொண்டு சென்றனா்.

    இதற்கிடையே, நிா்மலாதேவியின் வழக்குரைஞா் பசும்பொன் பாண்டியன் செய்தியாளா்களிடம் பேசும்போது, நிா்மலாதேவி கைது செய்யப்பட்டிருப்பது பல்வேறு சந்தேகங்களை எழுப்புகிறது என்று தெரிவித்தாா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai