சிவகாசி: சிவகாசி வருவாய்த்துறை சாா்பில் திங்கள்கிழமை புலம்பெயா் தொழிலாளா்களுக்கான விழிப்புணா்வு முகாம் நடைபெற்றது.
திருத்தங்கலில் உள்ள தனியாா் ஐ.டி.ஐ.யில் நடைபெற்ற இந்த முகாமிற்கு சிவகாசி சாா்- ஆட்சியா் தினேஷ்குமாா் தலைமை வகித்தாா். அருப்புக்கோட்டை குடிமைப் பொருள் தனி வட்டாட்சியா் ரமணன் சிறப்புரையாற்றி பேசியதாவது: வெளிநாடுகளுக்கு வேலைக்கு ஆள்கள் தேவை என பலா் விளம்பரம் செய்கிறாா்கள். அவா்கள் ஏதாவது ஒரு இடத்தில் நோ் காணல் நடத்துவாா்கள். பின்னா் வெளிநாடுகளுக்கு பிளம்பா், எலெக்ரீசியன் உள்ளிட்ட பணிகளுக்கு அனுப்புவாா்கள். இதில் சிலா் பணத்தை வாங்கிக் கொண்டு ஏமாற்றி விடுவாா்கள். எனவே வெளிநாடுகளுக்கு செல்லும் தொழிலாளா்கள் கடைபிடிக்க வேண்டிய பாதுகாப்பு வழிமுறைகள் குறித்து தெரிந்து கெள்ள வேண்டும் என்ற நோக்கத்தில் இந்த விழிப்புணா்வு முகாம் நடைபெறுகிறது. வெளிநாடுகளுக்கு ஆள் அனுப்புபவா்கள் அரசிடம் பதிவு பெற்றவா்களா என பாா்க்க வேண்டும். விசா பெறும் முன்னா் அங்கீகரிக்கப்பட்ட மருத்துவரிடம் சான்று பெற வேண்டும்.
பணி ஒப்பந்த நகல் வைத்திருக்க வேண்டும். வெளிநாட்டில் வேலை அளிப்பவரின் முகவரி, தொலைபேசி எண் மற்றும் அந்த நாட்டில் உள்ள இந்திய தூதரக தொலைபேசி எண் உள்ளிட்ட விவரங்களை வைத்துக் கொள்ள வேண்டும். ஏதேனும் பிரச்னை என்றால் சென்னையில் உள்ள அகதிகள் மறுவாழ்வு மற்றும் தமிழகத்திற்கு வெளியே வாழும் தமிழா்களின் நல ஆணையத்தை 044-28525648 என்ற எண்ணில் தொடா்பு கொள்ள வேண்டும் என்றாா். இதில் வட்டாட்சியா் ரெங்கநாதன் உள்ளிட்டோா் கலந்து கொண்டனா்.