ஸ்ரீவில்லிபுத்தூா் மாவட்ட சட்டப்பணிகள் ஆணைக்குழு மற்றும் குருஞான சம்பந்தா் இந்து மேல்நிலைப் பள்ளியும் இணைந்து சட்ட விழிப்புணா்வு பேரணியை செவ்வாய்க்கிழமை நடத்தின.
இந்திய அரசியலமைப்பு தினத்தையொட்டி நடைபெற்ற இந்த பேரணியை மாவட்ட சட்டப் பணிகள் ஆணைக் குழுவின் தலைவரும், மாவட்ட முதன்மை நீதிபதியுமான ஆ. முத்துசாரதா தொடக்கி வைத்தாா். தலைமை குற்றவியல் நீதித்துறை நடுவா் சரண், மாவட்ட சட்டப்பணிகள் ஆணைக்குழுவின் செயலாளரும், சாா்பு நீதிபதியுமான க.மாரியப்பன் ஆகியோா் முன்னிலை வகித்தனா்.
பேரணியை தொடா்ந்து போட்டிகளில் வெற்றி பெற்ற மாணவா்களுக்கு பரிசுகள் வழங்கி மாவட்ட முதன்மை நீதிபதி பேசியதாவது:
எழுபது ஆண்டுகளுக்கு முன்னரே, தற்போது ஏற்படும் பிரச்னைகளுக்கு தீா்வு காண சட்டத்தை இயற்றிய தலைவா்களை நாம் நினைவுகூா்ந்து அவா்கள் இயற்றிய அரசியலமைப்பு சட்டத்தினை மதித்து நடக்க வேண்டும். நம் நாட்டுக்காக பாடுபட்ட தலைவா்களின் சிலைகளை உடைக்கக்கூடாது. அவா்களுக்கு உரிய மரியாதை அளிக்க வேண்டும். மாணவா்கள் அநீதிக்கு எதிராக குரல் கொடுக்க வேண்டும். சம்பந்தப்பட்ட அரசுத் துறைக்கு நேரிலோஅல்லது செல்லிடப்பேசி மூலமாகவோ தகவல் தெரிவித்து நாட்டு நலப் பணிகளில் ஈடுபட வேண்டும். 18 வயது நிரம்பாமலும், ஓட்டுநா் உரிமம் இல்லாமலும் வாகனம் ஓட்டக்கூடாது. தலைக்கவசம் இன்றியும் இருசக்கர வாகனம் ஓட்டக்கூடாது என்றாா்.
இதில் காவல் துணைக் கண்காணிப்பாளா் ராஜேந்திரன், ஆய்வாளா் பவுல் யேசுதாசன், பள்ளிச் செயலா் கிருஷ்ணன், கமிட்டி உறுப்பினா்கள் ஸ்ரீதரன், திருமலை உள்ளிட்டோா் கலந்து கொண்டனா்.
முன்னதாக, பள்ளியின் தலைமை ஆசிரியா் கண்ணன் வரவேற்றாா்.