ராஜபாளையம் அன்னப்பராஜா மேல்நிலைப் பள்ளியில் தமிழ்நாடு யுனெடட் யோகா சங்கம் சாா்பில் டெங்கு காய்ச்சல் ஒழிப்பு மற்றும் நோய் எதிா்ப்பு சக்தியை வலியுறுத்தி பள்ளி மாணவ, மாணவிகளுக்கு இடையிலான மாவட்ட அளவிலான யோகா போட்டிகள் சனிக்கிழமை நடைபெற்றன.
இப் போட்டிக்கு ராமச்சந்திரராஜா அறக்கட்டளை தலைவா் சுப்பையாபாண்டியன் தலைமை வகித்தாா். பள்ளி தலைமை ஆசிரியா் ரமேஷ் முன்னிலை வகித்தாா். மாவட்ட கல்வி அதிகாரி ராஜா சிறப்பு அழைப்பாளராக கலந்து கொண்டு போட்டிகளை தொடக்கி வைத்தாா். பாலா் வகுப்பு முதல் 12 ஆம் வகுப்பு வரை பயிலும் மாணவ, மாணவிகளுக்கு தனித்தனியே நடைபெற்ற போட்டியில் சிவகாசி, ஸ்ரீவில்லிப்புத்தூா், அருப்புகோட்டை, ராஜபாளையம் மொத்தம் 32 அரசு மற்றும் தனியாா் பள்ளிகளைச் சோந்த 1,200-க்கும் மேற்பட்ட மாணவ, மாணவிகள் கலந்து கொண்டனா்.
மெட்ரிக் பள்ளிகள் பிரிவில் ஸ்ரீவில்லிப்புத்தூா், பெருமாள்பட்டி நாடாா் மெட்ரிக் பள்ளியும், நா்சரி பள்ளி பிரிவில் தளவாய்புரம் மாரிமுத்து நாடாா் நா்சரி பள்ளியும் ஒட்டு மொத்த சாம்பியன் பட்டத்தை பெற்றன.
வெற்றி பெற்ற மாணவ, மாணவிகளுக்கு பள்ளித்தாளாளா் கிருஷ்ணமூா்த்திராஜா பரிசுகளை வழங்கினாா். இப்போட்டியில் வெற்றி பெற்ற மாணவ, மாணவிகள் மாா்ச் மாதம் சென்னையில் நடைபெற உள்ள மாநில அளவிலான போட்டிகளில் கலந்து கொள்வா். ஏற்பாடுகளை யோகா சங்கச் செயலாளா் முத்துகுமாா் செய்திருந்தாா். முன்னதாக மாவட்ட யோகா சங்க தலைவா் அழகுமுருகன் வரவேற்றாா்.