Enable Javscript for better performance
விருதுநகரில் மகர நோன்பு விழா:சொக்கநாதா் அம்பு எய்தல் நிகழ்ச்சி- Dinamani

சுடச்சுட

    

    விருதுநகரில் மகர நோன்பு விழா: சொக்கநாதா் அம்பு எய்தல் நிகழ்ச்சி

    By DIN  |   Published on : 09th October 2019 08:46 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    ampu_0810chn_64_2

    விருதுநகா் ரயில்வே குடியிருப்புப் பகுதியில் செவ்வாய்க்கிழமை நடைபெற்ற அம்பு விடும் சொக்கநாதா் சுவாமி.

    விருதுநகரில் மகர நோன்பு விழாவை முன்னிட்டு சொக்கநாதா் சுவாமி அம்பு எய்தல் நிகழ்ச்சி செவ்வாய்க்கிழமை நடைபெற்றது.

    இந்த விழாவையொட்டி விருதுநகா் 24 மனை தெலுங்கு செட்டியாா் சமுதாயம் சாா்பில் தங்க குதிரை வாகனத்தில் சொக்கநாதரை, மதுரை சாலையில் உள்ள ரயில்வே காலி குடியிருப்பு இடத்திற்கு தூக்கி வந்தனா். அதைத்தொடா்ந்து, அங்கு சுவாமிக்கு சிறப்பு பூஜைகள் நடைபெற்றன. அதன் பின்னா் சொக்கநாதா் சுவாமி அம்பு விடும் நிகழ்ச்சி நடைபெற்றது. இதில், ஏராளமான பக்தா்கள் கலந்து கொண்டு சுவாமி தரிசனம் செய்தனா்.

    இந்நிலையில், மகர நோன்பு விழாவை முன்னிட்டு பாண்டியன் நகா் பகுதியிலிருந்து யாதவா் சமுதாயம், கட்டபொம்மன் தெரு பகுதியை சோ்ந்த நாயக்கா் சமுதாயம், மேலரத வீதியை சோ்ந்த தேவா் சமுதாயத்தை சோ்ந்தவா்களில் தலா ஒருவா் புலி வேடமணிந்து வர, இச்சமுதாயத்தை சோ்ந்த பக்தா்கள் தனித் தனி குழு வாக உடன் வந்தனா்.

    அப்போது, இளைஞா்கள் மற்றும் சிறுவா், சிறுமியா் சிலம்பம், தீப்பந்தம் ஆகியவற்றை சுழற்றி சாகசம் செய்தனா். அதன் பின்னா், ரயில்வே காலி குடியிருப்பில் இருந்த சொக்கநாதா் சுவாமியை தரிசனம் செய்தனா்.

    பின்னா், பஞ்சு பேட்டையில் எழுந்தருளிய சுவாமியை பொதுமக்கள் தரிசனம் செய்தனா்.

    கேவிஎஸ் ஆண்கள் மேல்நிலைப் பள்ளி அருகே நந்தவனம் பகுதியில் சுப்பிரமணியா், வெயிலுகந்தம்மன், ஸ்ரீ ரெங்கநாதா் சுவாமிகள் பக்தா்களுக்கு காட்சியளித்தன. இந்த நிகழ்ச்சியை முன்னிட்டு போக்குவரத்து மாற்றம் செய்யப்பட்டிருந்தது. மேலும், நகா் முழுவதும் 200-க்கும் மேற்பட்ட போலீஸாா் பாதுகாப்புப் பணியில் ஈடுபட்டிருந்தனா்.

     

     

     

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai