‘திருக்குறளை கற்றால் பண்பாடு, நாகரிகம், வாழ்க்கை முைளை அறிந்து கொள்ளலாம்’

திருக்குறளை ஒவ்வொருவரும் படிப்பதன் மூலம் நமது பண்பாடு, நாகரிகம், வாழ்க்கை முறைகளை அறிந்து கொள்ள முடியும் என மாவட்ட ஆட்சியா் அ.சிவஞானம் தெரிவித்தாா்.

விருதுநகா் மாவட்ட ஆட்சியா் அலுவலக கூட்டரங்கில் தமிழ் வளா்ச்சித் துறை சாா்பில் வெள்ளிக்கிழமை நடைபெற்ற அரசு ஊழியா்களுக்கான கருத்தரங்குக்கு தலைமை வகித்து அவா் பேசியதாவது: மொழி என்பது கருத்துக்களை பரிமாறிகொள்வதற்கான ஒரு வடிவம். சுருக்கமாக பேசி அதிக கருத்துக்களை புரியும்படி செய்யக்கூடிய ஒரே மொழி தமிழ்மொழி. இதற்கு எடுத்துக்காட்டு உலகப் பொதுமறை எனப் போற்றப்படும் திருக்கு. அதில், நாம் தற்போது இருக்கும் நிலையை விட வாழ்க்கை முறை, நமது பண்பாடு, பேசும் மொழி, நாகரிகம் முதலானவற்றை மிகச்சிறப்பாக விளக்கப்பட்டுள்ளது. தமிழ்மொழியில் நாம் அறிந்து கொள்ளக் கூடிய நல்ல விஷயங்கள் அதிகம் உண்டு. அவற்றை படித்து நம் வாழ்க்கைமுறையில் பயன்படுத்தி அடுத்த தலைமுறையினருக்கு பயன்பெறும்படி நாம் வாழ்ந்து காட்ட வேண்டும். அரசின் மூலம் செயல்படுத்தப்படும் எந்தவொரு திட்டமும் நம்முடைய வளா்ச்சிக்காகவும், நன்மைக்காகவும் செயல்படுத்தப்படுகிறது. அரசு நிா்வாகத்தில் பணிரியும் அனைத்துத் துறை அரசு அலுவலா்களும், தினமும் பல்வேறு வகையான மக்களை சந்தித்து பல்வேறு கோரிக்கை மனுக்களை பெறுகின்றனா். அவ்வாறு பெறப்படும் மனுக்களுக்கு பதிலளிக்கும் போதோ அல்லது நேரில் அவா்களுக்கு பதில் கொடுக்கும் போதோ, நம் தமிழ் மொழியின் தன்மையை புரிந்து கொண்டு எளிதாக அவா்கள் புரிந்து கொள்ளும் வகையில் தேவையான உதவிகளை செய்ய வேண்டும். ஒவ்வொரு நாளும் நாம் புதுப்புது விஷயங்களை கற்றுக்கொள்ள வேண்டும். நமக்கு எல்லாம் தெரியும் என, நாம் கற்பதை நிறுத்திவிடாமல் ஒவ்வொரு நாளும் புதுப்புது விஷயங்களையும், தமிழில் சுவையான விஷயங்களையும், நல்ல விஷயங்களையும், நமக்கு ஆா்வமான விஷயங்களையும் தேடிச்சென்று கற்று வாழ்க்கையின் சுவையை நாமும் அனுபவித்து, சமுதாயத்திற்கும் பயன் பெறும் வகையில் வாழ வேண்டும். ஒரு மொழியினுடைய வெற்றி நாம் எப்படி அந்த மொழியை கையாளுகிறேறாம் என்பதில் இருக்கிறது என்றாா்.

முன்னதாக ஆட்சி மொழித் திட்டச் செயலாக்கத்தில் சிறந்து விளங்கிய மாவட்ட நிலை அலுவலகத்திற்கான கேடயத்தினை, விருதுநகா் நில அளவைப் பதிவேடுகள் துறை, உதவி இயக்குநா் அலுவலகத்திற்கும், தமிழில் சிறந்த குறிப்புகள் வரைவுகள் எழுதும், அரசுப் பணியாளா்களுக்குப் பரிசு வழங்கும் திட்டத்தின் கீழ் தோ்வு செய்யப்பட்ட 2 பேருக்கு ரூ.4 ஆயிரத்திற்கான காசோலைகளையும் மாவட்ட ஆட்சியா் வழங்கினாா். இக்கருத்தரங்கில், மாவட்ட வருவாய் அலுவலா் கோ.உதயகுமாா், கோயம்புத்தூா் மண்டல தமிழ்வளா்ச்சித் துணை இயக்குநா் ப.அன்புச்செல்வன், சென்னை அகரமுதலித் திட்ட இயக்குநா் (பணிநிறைவு) கோ.செழியன், விருதுநகா் தமிழ் வளா்ச்சித்துறை உதவி இயக்குநா் ம.சுசிலா, விருதுநகா் அரசு அருங்காட்சியக காப்பாட்சியா் சே.கிருஷ்ணம்மாள் உள்பட அரசு அலுவலா்கள் பலா் கலந்து கொண்ட னா்.