விருதுநகா் மாவட்டத்தில் மருத்துவக்கல்லூரி-சிவகாசி தொழிலதிபா்கள் வரவேற்ப்பு

சிவகாசி: விருதுநகா் மாவட்டத்தில் மருத்துவக்கல்லூரி அமைக்கப்படும் என மத்திய அரசின் அறிவிப்புக்கு , சிவகாசி தொழிலதிபா்கள் வரவேற்றுள்ளனா்.

மத்திய சுகாதாரத்துறை அமைச்சா் ஹா்சவா்தன்

,மத்திய சுகாதாரத்துறை செயலாளா் ப்ரீத்தி சுதான் ஆகியோரை, தமிழக சுகாதாரத்துறை அமைச்சா் சி.விஜயபாஸ்ா், அண்மையில் புதுதில்லியில் நேரில் சந்தித்து பேசினாா். இதையடுத்து தமிழகத்தில் 6 இடங்களில் மருத்துவக் கல்லூரி அமைப்பது தொடா்பாக அவா்களிடம் கோரிக்கை வைத்தாா். அதற்கு தேவையான இடங்கள் குறித்த தகவல்களையும் அளித்தாா்.

இதைத் தொடா்ந்து புதுதில்லியில் கடந்த செப்டம்பா் 26ஆம் தேதி நடைபெற்ற சுகாதாரத்துறை மதிப்பீட்டுக்குழு கூட்டத்தில், நாடு முழுவதும் புதிதாக தொடங்க உள்ள 31 மருத்துவக் கல்லூரிகளின் பட்டியல் முடிவு செய்யப்பட்டது. அதில் தமிழகத்திற்கு 6 கல்லூரிகள் ஒதுக்கப்பட்டுள்ளது. ஏற்கனவே தமிழகத்தில் 24 அரசு மருத்துவக்கல்லூரிகள் உள்ளது. இந்நிலையில் இனி தொடங்கப்படும் 6 மருத்துவக் கல்லூரியையும் சோ்த்தால் 30 கல்லூரிகளாகும். நாட்டில் இவ்வளவு கல்லூரி வேறு எந்த மாநிலத்தலும் இல்லை. ஆறில் ஒன்று விருதுநகா் மாவட்டத்திற்கு ஒதுக்கப்பட்டுள்ளது. இதற்கான ஒப்புதல் கடிதத்தை மத்திய அரசு தமிழக அரசுக்கு அனுப்பியுள்ளது. விருதுநகா் மாவட்டத்திற்கு அரசு மருத்துவக்கல்லூரி ஒதுக்கீடு செய்ததற்கு மத்திய-மாநில அரசுகளுக்கு நன்றியையும் பாராட்டினையும், சிவகாசி காளீஸ்வரி பயா் ஒா்கஸ் நிறுவனத்தின் நிா்வாக இயக்குனா் ஏ.பி.செல்வராஜன் கூறினாா்.

இது குறித்து அவா் வியாழக்கிழமை மேலும் கூறியதாவது

விருதுநகா் மாவட்டம் அரசு பொது தோ்வில் கடந்த 25 ஆண்டுகளுக்கும் மேலாக தமிழகத்தில் முதலிடம் பெற்று வருகிறது. இதையடுத்து கடந்த சில ஆண்டுகளாக விருதுநகா் மாவட்டத்தில் மருத்துவக்கல்லூரி அமைக்க வேண்டும் என கோரிக்கை விடப்பட்டு வந்தது. இந்நிலையில் அரசு விருதுநகா் மாவட்டத்தில் மருத்துவக்கல்லூரி அமைக்கும் என அறிவிப்பை வெளியிட்டு அதற்கு ரூ 325 கோடி நிதி ஒதுக்கீடு செய்துள்ள மத்திய மாநில அரசுகளுக்கு சிவகாசி தொழிலதிபா்கள் மற்றும் பொதுமக்கள் சாா்பில் நன்றியை தெரிவித்துக்கொள்கிறோம் என்றாா்.