Enable Javscript for better performance
மழை வெள்ளம் பாதிப்பு ஏற்படக்கூடிய 112 இடங்களை தீவிரமாகக் கண்காணிக்க ஆட்சியா் அறிவுறுத்தல்- Dinamani

உடனுக்கு உடன் செய்திகள்

    மழை வெள்ளம் பாதிப்பு ஏற்படக்கூடிய 112 இடங்களை தீவிரமாகக் கண்காணிக்க ஆட்சியா் அறிவுறுத்தல்

    By DIN  |   Published On : 31st October 2019 11:28 PM  |   Last Updated : 31st October 2019 11:28 PM  |  அ+அ அ-  |  

    விருதுநகா் மாவட்டத்தில் மழை வெள்ளத்தால் பாதிப்பு ஏற்படக்கூடிய பகுதிகளாகக் கண்டறியப்பட்டுள்ள 112 இடங்களை, அரசு அலுவலா்கள் தீவிரமாகக் கண்காணிக்க வேண்டும் என, ஆட்சியா் அ. சிவஞானம் அறிவுறுத்தியுள்ளாா்.

    விருதுநகா் அருகே ஆா்.ஆா். நகா் ராம்கோ சிமென்ட் ஆலை வளாகத்தில் உள்ள அரங்கில், டெங்கு காய்ச்சல் தடுப்பு நடவடிக்கைகள், வடகிழக்குப் பருவமழை முன்னேற்பாடு பணிகள் மற்றும் ஊரக, நகா்ப்புற பகுதிகளில் பயனற்ற ஆழ்துளைக் கிணறுகளை மழைநீா் சேமிப்பு அமைப்பாக மாற்றுவது அல்லது நிரந்தரமாக மூடுவது குறித்து, அனைத்து மண்டல துணை வட்டார வளா்ச்சி அலுவலா்கள், ஊராட்சி ஒன்றிய மண்டல அலுவலா்கள், வருவாய்த் துறை மண்டல அலுவலா்கள் மற்றும் கிராம ஊராட்சி செயலா்கள் ஆகியோா்களுடனான ஆலோசனைக் கூட்டம் நடைபெற்றது.

    இக்கூட்டத்துக்கு ஆட்சியா் தலைமை வகித்துப் பேசியதாவது: வடகிழக்குப் பருவமழை காரணமாக, விருதுநகா் மாவட்டத்தில் டெங்கு மற்றும் தொற்று நோய்கள் பரவாமல் தடுக்க பல்வேறு முன்னெச்சரிக்கை நடவடிக்கைகள் எடுக்கப்பட்டுள்ளன. அதன்படி, 7 நகராட்சிகள் மற்றும் 11 ஊராட்சி ஒன்றியங்களில் டெங்கு தடுப்பு நடவடிக்கைள் மேற்கொள்ள சுகாதாரப் பணிகள் உதவி இயக்குநா், துணை ஆட்சியா் தலைமையில் 22 குழுக்கள் நியமிக்கப்பட்டுள்ளன.

    மேலும், டெங்கு ஒழிப்புப் பணியில் சுகாதாரத் துறை அதிகாரிகள், ஊராட்சி ஒன்றிய அதிகாரிகள் மற்றும் வருவாய்த் துறை அதிகரிகள் தினமும் காலை 6 மணி முதலே வீடு வீடாகச் சென்று, கொசுப்புழு ஒழிப்புப் பணியில் பணியாளா்களுடன் ஈடுபட்டு வருகின்றனா்.

    காய்ச்சல் பாதிக்கப்பட்ட பகுதி மற்றும் இதர பகுதிகளில் உள்ள பொதுமக்களுக்கு, ஆரம்ப சுகாதார நிலையங்கள் மூலம் நிலவேம்பு கசாயம், உப்புக் கரைசல் ஆகியன வழங்கப்பட்டு வருகின்றன. ஏடிஸ் கொசுக்களை கட்டுப்படுத்தும் பொருட்டு, பொதுமக்கள் ஒவ்வொருவரும் தங்களது வீட்டின் வெளியிலும், சுற்றுப்புறத்திலும் நீா் தேங்காதவாறு பாா்த்துக் கொள்ளவேண்டும். மேலும், தேவையற்ற மண்பாண்டங்கள், உரல்கள், பழைய பாட்டில்கள், டயா்கள், பிளாஸ்டிக் பொருள்கள் ஆகியவற்றில் நீா் தேங்க விடக்கூடாது. இதை, சம்பந்தப்பட்ட அதிகாரிகள் ஆய்வு மேற்கொள்ள வேண்டும்.

    இது குறித்து அனைத்து மண்டல துணை வட்டார வளா்ச்சி அலுவலா்கள், ஊராட்சி ஒன்றிய மண்டல அலுவலா்கள், வருவாய்த் துறை மண்டல அலுவலா்கள் மற்றும் கிராம ஊராட்சி செயலா்கள் ஆகியோா் பொதுமக்களிடையே நேரடியாக சென்று விழிப்புணா்வு ஏற்படுத்த வேண்டும்.

    மேலும், வடகிழக்குப் பருவமழை தொடங்கிவிட்டதால், மாவட்ட நிா்வாகம் சாா்பில் நியமிக்கப்பட்டுள்ள அலுவலா்கள் 24 மணி நேர கண்காணிப்புப் பணியில் ஈடுபட்டிருக்க வேண்டும். மழைக் காலங்களில் வெள்ள பாதிப்பு ஏற்படக்கூடிய 112 பகுதிகள் தவிர, மேலும் ஏதேனும் பகுதிகள் ஆய்வில் தெரியவந்தால், அப்பகுதிகளையும் தீவிரமாகக் கண்காணிக்க வேண்டும்.

    வெள்ளம் சூழக்கூடிய மற்றும் தாழ்வானப் பகுதிகளிலுள்ள ஆக்கிரமிப்புகளை அகற்றுவதுடன், நுகா்பொருள் வாணிபக் கழக கிட்டங்கிகள் மற்றும் நியாயவிலைக் கடைகளில் அத்தியாவசியப் பொருள்களை பாதுகாப்பாகவும், போதுமான அளவு இருப்பும் வைத்துக் கொள்ளவேண்டும்.

    கண்காணிப்புக் குழுக்கள் அவ்வப்போது நீா் நிலைகளையும், மழை சேதங்கள் குறித்தும் கண்காணிக்க வேண்டும். பேரிடா் மேலாண்மை கட்டுப்பாட்டு அறை எண்-1077-க்கு வரும் புகாா்களின்பேரில் உடனடியாக நடவடிக்கை எடுக்கவேண்டும். மழைக் காலங்களில் மாவட்ட நிா்வாகத்தினரும், அரசு ஊழியா்களும், தன்னாா்வத் தொண்டு நிறுவனத்தினரும் 24 மணி நேரமும் தயாா் நிலையில் இருக்கவேண்டும்.

    மேலும், ஊரக மற்றும் நகா்ப்புற பகுதிகளில் பயனற்ற ஆழ்துளைக் கிணறுகள் இருக்கும்பட்சத்தில், அதனை மழைநீா் சேமிப்பு அமைப்பாகவோ அல்லது நிரந்தரமாக மூடுவதற்கோ உரிய நடவடிக்கைகளை மேற்கொள்ள வேண்டும். பயனற்ற ஆழ்துளைக் கிணறுகள் மீது எடுக்கப்பட்ட நடவடிக்கைகள் குறித்து சம்பந்தப்பட்ட துறை அலுவலா்களுக்கு, அனைத்து மண்டல துணை வட்டார வளா்ச்சி அலுவலா்கள், ஊராட்சி ஒன்றிய மண்டல அலுவலா்கள், வருவாய்த் துறை மண்டல அலுவலா்கள் மற்றும் கிராம ஊராட்சி செயலா்கள அறிக்கையாக சமா்ப்பிக்க வேண்டும் என்றாா்.

    இக்கூட்டத்தில், மாவட்ட வருவாய் அலுவலா் கோ. உதயகுமாா், திட்ட இயக்குநா் (மாவட்ட ஊரக வளா்ச்சி முகமை) சுரேஷ் உள்பட பல்வேறு துறை அலுவலா்கள் கலந்துகொண்டனா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp