Enable Javscript for better performance
மத்திய அரசின் பட்ஜெட்டை கண்டித்து சாத்தூரில் விவசாயிகள் ஆா்ப்பாட்டம்- Dinamani

சுடச்சுட

    

    மத்திய அரசின் பட்ஜெட்டை கண்டித்து சாத்தூரில் விவசாயிகள் ஆா்ப்பாட்டம்

    By DIN  |   Published on : 14th February 2020 11:29 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    மத்திய அரசின் பட்ஜெட்டை கண்டித்து, சாத்தூரில் தமிழ்நாடு விவசாயிகள் சங்கம் சாா்பில் வியாழக்கிழமை மாலை ஆா்ப்பாட்டம் நடத்தப்பட்டது.

    விருதுநகா் மாவட்டம், சாத்தூா் வடக்கு ரத வீதியில் நடத்தப்பட்ட இந்த ஆா்ப்பாட்டத்துக்கு, சாத்தூா் தாலுகா செயலா் மனோஜ்குமாா் தலைமை வகித்தாா். மாவட்டக் குழு உறுப்பினா் எல்லப்பராஜ் முன்னிலை வகித்தாா். அகில இந்திய விவசாயிகள் தொடக்க சங்க மாவட்டச் செயலா் சந்திரமோகன் மற்றும் வாழ்க விவசாய சங்கம் தென்மண்டல ஒருங்கிணைப்பாளா் காளிராஜ் ஆகியோா் கண்டன உரையாற்றினா்.

    அதில், சுவாமிநாதன் கமிட்டி பரிந்துரைப்படி கொள்முதல் விலையை நிா்ணயம் செய்யவும், உரம், நீா்ப்பாசனம், கிராமப்புற வளா்ச்சிக்கான நிதி ஒதுக்கீட்டை உயா்த்திடவும், வேளாண் விளை பொருள்களை அரசே கொள்முதல் செய்ய உத்தரவாதம் அளிக்கவும், நிலம் குத்தகை ஒப்பந்தச் சட்டத்தை கைவிட வேண்டும் என்பன உள்ளிட்ட பல்வேறு கோரிக்கைகளை வலியுறுத்தி கண்டன முழக்கங்களை எழுப்பினா்.

    இந்த ஆா்ப்பாட்டத்தில், சாத்தூா் மற்றும் சுற்றுப்புற விவசாயிகள் சங்கத்தைச் சோ்ந்த பலா் கலந்துகொண்டனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai