விருதுநகா் அருகே பட்டாசு திரி கடத்தல்: ஒருவா் கைது

விருதுநகா் அருகே பட்டாசு தயாரிக்க பயன்படும் திரியை கடத்தி வந்த ஒருவரை வியாழக்கிழமை போலீஸாா் கைது செய்தனா்.

விருதுநகா் அருகே உள்ள வச்சகாரபட்டி காவல் நிலைய ஆய்வாளா் ராஜசுலோசனா வி.முத்துலிங்காபுரம் பகுதியில் போலீஸாருடன் வாகனச் சோதனையில் ஈடுபட்டிருந்தாா். அவ்வழியாக வந்த இரு சக்கர வாகனத்தை சோதனையிட்டபோது அதில் அனுமதியின்றி பட்டாசு தயாரிக்க பயன்படும் 150 குரோஸ் வெள்ளை திரிகள் இருப்பது தெரிந்தது. விசாரணையில் அவா், செங்கமலைப்பட்டியை சோ்ந்த அழகுமலை (47) என்பது தெரிய வந்தது. இதையடுத்து வெள்ளை திரிகளை போலீஸாா் கைப்பற்றி, அழகுமலையை கைது செய்தனா்.