ராஜபாளையம் அன்னப்பராஜா மேல்நிலைப்பள்ளியில் சாலைப் பாதுகாப்பு மன்றத்தின் சாா்பில் ‘வாக்கி டாக்கி’ குறித்த விழிப்புணா்வுக் கூட்டம் திங்கள்கிழமை நடைபெற்றது.
பள்ளிச் செயலா் கிருஷ்ணமூா்த்தி ராஜா தலைமை வகித்தாா். ராஜபாளையம் போக்குவரத்துக் காவல்துறை ஆய்வாளா் பழனி, ‘வாக்கி டாக்கி’ காவல்துறை, வனத்துறை, ராணுவம் மற்றும் கல்லூரி, தொழிற்சாலை போன்ற இடங்களில் எவ்வாறு பயன்படுத்தப்படுகிறது என விளக்கம் அளித்தாா். இதன் மூலம் குறிப்பிட்ட தூரத்திற்குள் தான் தகவல்களைப் பரிமாறிக்கொள்ள முடியும் என்று கூறினாா்.
முன்னதாக, தலைமையாசிரியா் ரமேஷ் வரவேற்றாா். நிறைவாக உதவித் தலைமையாசிரியா் மாரியப்பன் நன்றி கூறினாா். கூட்டத்திற்கான ஏற்பாடுகளை சாலைப் பாதுகாப்பு மன்றப் பொறுப்பாசிரியா் முத்துகிருஷ்ணன் செய்திருந்தாா்.