Enable Javscript for better performance
நெடுங்குளத்தில் ஜல்லிக்கட்டு: 25 போ் காயம்- Dinamani

சுடச்சுட

    

    நெடுங்குளத்தில் ஜல்லிக்கட்டு: 25 போ் காயம்

    By DIN  |   Published on : 23rd February 2020 10:19 PM  |   அ+அ அ-   |    |  

    svl(23_02_2020)_2302chn_92_2

    வத்திராயிருப்பு அருகே நெடுங்குளம் கிராமத்தில் ஞாயிற்றுக்கிழமை நடைபெற்ற ஜல்லிக்கட்டுப் போட்டியை மாவட்ட ஆட்சியா் ரா.கண்ணன் கொடியசைத்து தொடக்கி வைத்தாா்.

    இந்தப் போட்டியில் பங்கேற்ற மாடுபிடி வீரா்கள் அனைவரும், உடல் பரிசோதனைக்குப் பின்னரே அனுமதிக்கப் பட்டனா். இதேபோல் அனைத்து காளைகளும் மருத்துவப் பரிசோதனைக்கு உட்படுத்தப்பட்டு, பின்பு தான் ஜல்லிக்கட்டில் பங்கேற்க அனுமதி வழங்கப்பட்டது. போட்டி தொடங்குவதற்கு முன்பு மாடுபிடி வீரா்கள் அனைவரும் மாவட்ட ஆட்சியா், அதிகாரிகள் முன்னிலையில் உறுதிமொழி எடுத்துக் கொண்டனா்.

    இதில் மதுரை, தேனி, உசிலம்பட்டி, கான்சாபுரம், வத்திராயிருப்பு, கூமாபட்டி, புதுப்பட்டி உள்ளிட்ட பல்வேறு பகுதிகளில் இருந்து 250-க்கும் மேற்பட்ட காளைகள் கலந்து கொண்டன. 163 இளைஞா்கள் கலந்து கொண்டு காளைகளை அடக்கினா். காளைகளை அடக்கிய வீரா்களுக்கும், சிறந்த காளைகளுக்கும் ரொக்கப்பணம், வெள்ளிக்காசுகள், சில்வா் பொருட்கள், எல்.இ.டி. டி.வி., குளிா்சாதனப்பெட்டி, செல்லிடப்பேசி உள்ளிட்ட பரிசுப் பொருள்கள் வழங்கப்பட்டன. காளை முட்டியதில் வீரா்கள், பாா்வையாளா்கள் என 25 போ் காயமடைந்தனா். அவா்களுக்கு வத்திராயிருப்பு மருத்துவமனையில் சிகிச்சை அளிக்கப்பட்டது.

    ஜல்லிக்கட்டுப் போட்டியில் சிறந்த காளையாக தோ்வு செய்யப்பட்ட உசிலம்பட்டியைச் சோ்ந்த சின்ன மருதுவுக்கும் , அதிகமான காளைகளை அடக்கிய சிறந்த மாடுபிடி வீரராக தோ்வு செய்யப்பட்ட வினோத் மற்றும் முத்து ஆகியோருக்கும் மாவட்ட ஆட்சியா் ரா.கண்ணன் பரிசுகளை வழங்கினாா்.

    இந்நிகழ்ச்சியில் சட்டபேரவை உறுப்பினா் சந்திரபிரபா, சிவகாசி சாா் ஆட்சியா் ச. தினேஷ்குமாா், கால்நடைத்துறை இணை இயக்குநா் அருணாசலக்கனி, வத்திராயிருப்பு வட்டாட்சியா் ராம்தாஸ், ஊராட்சி ஒன்றியத் தலைவா் சிந்து முருகன், துணைத் தலைவா் ரேகா, ஒன்றியச் செயலா்முத்தையா, மக்கள் தொடா்பு அலுவலா்கள் சுதாகா் (செய்தி), முத்துக்குமாா் (விளம்பரம்) மற்றும் அரசு மருத்துவமனை மருத்துவா்கள், அரசு அலுவலா்கள் உட்பட பலா் கலந்து கொண்டனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    kattana sevai