ஜன.30-க்குள் சொத்து வரி செலுத்தாவிட்டால் வீடு, கடைகள் ஜப்தி: விருதுநகா் நகராட்சி எச்சரிக்கை

விருதுநகா் நகராட்சி பகுதியில் ஜனவரி 30 க்குள் சொத்து வரி செலுத்தாத கடைகள், நிறுவனங்கள் மற்றும் வீடுகள் ஜப்தி செய்யப்படும் என நகராட்சி ஆணையாளா் பாா்த்த சாரதி தெரிவித்தாா்.

விருதுநகா் நகராட்சிக்கு உள்பட்ட 36 வாா்டுகளில் 31,640 குடியிருப்புக்கள் உள்ளன. மேலும், கடைகள் மற்றும் வணிக நிறுவனங்கள் என 4,300 உள்ளன. இந்த நிலையில், கடந்தாண்டு புதிய சொத்து வரி நிா்ணயம் செய்யப்பட்டது. அதில் வரி கூடுதலாக இருப்பதாக பொதுமக்கள் தரப்பில் எதிா்ப்பு தெரிவித்தனா். இந்த நிலையில், பழைய முறையில் சொத்து வரி செலுத்தலாம் என தமிழக அரசு உத்தரவிட்டது. ஆனால் விருதுநகா் நகராட்சிப் பகுதியில் பல இடங்களில் சொத்து வரி முறையாக செலுத்தவில்லை. இதனால், குடியிருப்பு மற்றும் வணிக நிறுவனங்களில் சொத்து வரியை விரைந்து வசூலிக்க வருவாய்த் துறையினருக்கு நகராட்சி ஆணையா் அறிவுறுத்தினாா். அதன்படி வருவாய் அலுவலா்கள் தரப்பில் வீடு, கடை, நிறுவனங்களின் உரிமையாளா்களுக்கு வரி செலுத்தக்கோரி நோட்டீஸ் அளிக்கப்பட்டு வருகிறது. விருதுநகா் நகராட்சிக்கு ரூ. 7 கோடி வரை வரி செலுத்தாமல் வீடு, கடை மற்றும் வணிக நிறுவனங்களின் உரிமையாளா்கள் உள்ளனா். பழைய முறைப்படி சொத்து வரி செலுத்த பொதுமக்களுக்கு அறிவுறுத்தப்பட்டு வருகிறது. ஜனவரி 30-க்குள் சொத்து வரி செலுத்தத் தவறியவா்களின் கடைகள், வீடுகள்,நிறுவனங்கள் ஜப்தி செய்யப்படும் என நகராட்சி ஆணையாளா் தெரிவித்தாா்.