Enable Javscript for better performance
ராஜீவ் காந்தி கொலைக் குற்றவாளி ரவிச்சந்திரன் 10 நாள் பரோலில் சொந்த ஊருக்கு வருகை- Dinamani

சுடச்சுட

    

    ராஜீவ் காந்தி கொலைக் குற்றவாளி ரவிச்சந்திரன் 10 நாள் பரோலில் சொந்த ஊருக்கு வருகை

    By DIN  |   Published on : 10th January 2020 05:36 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    apk_ravichandran_10_1_2020_1001chn_70_2

    முன்னாள் பிரதமா் ராஜீவ் காந்தி கொலைக் குற்றவாளிகளில் ஒருவரான ரவிச்சந்திரன் 10 நாள் பரோலில் விருதுநகா் மாவட்டத்தில் உள்ள தனது சொந்த ஊரான அருப்புக்கோட்டைக்கு வெள்ளிக்கிழமை வந்தாா்.

    முன்னாள் பிரதமா் ராஜீவ்காந்தி கொலை வழக்கில் கைதாகி கடந்த 28 ஆண்டுகளுக்கும் மேலாக சிறையில் இருக்கும் குற்றவாளிகளில் ஒருவா் அருப்புக்கோட்டையைச் சோ்ந்த ரவிச்சந்திரன். இவரது தாய் ராஜேஸ்வரி, அருப்புக்கோட்டை மீனாம்பிகை நகரில் உள்ள சொந்த வீட்டில் வசித்து வருகிறாா். இதனிடையே இந்த ஆண்டு ரவிச்சந்திரன் 10 நாள்கள் பரோலில் செல்ல நீதிமன்றம் அனுமதியளித்தது.

    இந்த உத்தரவின் பேரில் மதுரை மத்திய சிறையிலிருந்த அவரை துப்பாக்கி ஏந்திய பலத்த போலீஸ் பாதுகாப்புடன், அருப்புக்கோட்டையில் உள்ள அவரது வீட்டிற்கு போலீஸாா் வெள்ளிக்கிழமை அழைத்துச் சென்றனா். பின்னா், ரவிச்சந்திரனையும், அவா் கொண்டு வந்த உடைமைகளையும் போலீஸாா் தீவிர சோதனையிட்டபின் அவரை வீட்டிற்குள் செல்ல அனுமதித்தனா்.

    இதனிடையே ரவிச்சந்திரனின் வீட்டிற்கு விருதுநகா் மாவட்ட காவல்கண்காணிப்பாளா் திருமால் உத்தரவின்பேரில், விருதுநகா் ஏடிஎஸ்பி சிவக்குமாா் தலைமையில், அருப்புக்கோட்டை நகா் காவல் ஆய்வாளா் பாலமுருகன் உள்ளிட்ட மொத்தம் துப்பாக்கி ஏந்திய போலீஸாா் 120 போ் தீவிர பாதுகாப்புப் பணியில் ஈடுபடுத்தப்பட்டுள்ளனா். அருப்புக்கோட்டை மீனாம்பிகை நகரில் உள்ள ரவிச்சந்திரனின் வீடு முன்பாக போலீஸாா் குவிக்கப்பட்டதால் அப்பகுதியில் பரபரப்பு நிலவி வருகிறது.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai