சாத்தூரில் நகை திருட்டு பெண் கைது

விருதுநகா் மாவட்டம் சாத்தூரில் வீட்டில் இருந்த நகையை திருடிய பெண்ணை போலீஸாா் வியாழக்கிழமை கைது செய்தனா்.

சாத்தூரில் உள்ள அண்ணாநகா் பகுதியைச் சோ்ந்தவா் பாத்திமாநபிலா(22). இவா் சட்டக் கல்லூரியில் 3 ஆம் ஆண்டு படித்து வருகிறாா். இவா் தனது தாயாா் சபில்லாவுடன் வசித்து வருகிறாா். இந்நிலையில் பாத்திமாநபிலா தனது வீட்டின் பீரோ சாவியை எப்போதும் பீரோவின் மேல்பகுதியில் வைப்பதை வழக்கமாக கொண்டுள்ளாா்.

இந்நிலையில் வியாழக்கிழமை பீரோவை திறந்து பாா்த்த போது, அதில் வைத்திருந்த இரண்டரை பவுன் சங்கிலி, மோதிரம் உள்ளிட்ட நகைகளை காணவில்லையாம். தன் வீட்டிற்கு அடிக்கடி வரும் பக்கத்து வீட்டைச் சோ்ந்த அந்தோணிபோஸ் மனைவி ராமலட்சுமி(44) என்பவா் மீது சந்தேகம் இருப்பதாக சாத்தூா் நகா் காவல்நிலையத்தில் பாத்திமாநபிலா புகாா் அளித்துள்ளாா்.

அதன் பேரில், போலீஸாா் நடத்திய விசாரணையில் ராமலட்சுமி நகையைத் திருடியது தெரியவந்தது. இதுகுறித்து ராமலட்சுமியை கைது செய்து, நகைகளை மீட்டு பாத்திமாநபிலாவிடம் போலீஸாா் ஒப்படைத்தனா்.