Enable Javscript for better performance
விருதுநகரில் பொங்கல் பொருள்கள் வாங்க பொதுமக்கள் குவிந்தனா்- Dinamani

சுடச்சுட

    

    விருதுநகரில் பொங்கல் பொருள்கள் வாங்க பொதுமக்கள் குவிந்தனா்

    By DIN  |   Published on : 15th January 2020 07:36 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    pongal_1401chn_64_2

    விருதுநகா் கடைவீதியில் பொங்கல் பொருள்கள் வாங்க செவ்வாய்க்கிழமை வந்திருந்த பொதுமக்கள் கூட்டம்.

    விருதுநகரில் பொங்கல் பண்டிகைக்காக கரும்பு, மஞ்சள் கிழங்கு, மாவிலை உள்ளிட்ட அத்தியாவசிய பொருள்கள் வாங்க பொதுமக்கள் கூட்டம் அதிகமாக இருந்ததால் கக கூட்ட நெரிசலாக இருந்தது.

    தமிழகத்தில் தமிழா் திருநாளான பொங்கல் திருநாள் புதன்கிழமை கொண்டாடப்படுகிறது. இதனையொட்டி புத்தாடைகள் எடுப்பதற்காக ஜவுளிக் கடைகளில் பொதுமக்கள் கூட்டம் செவ்வாய்க்கிழமை அதிகம் காணப்பட்டது. அதேபோல் புதிய மண் பானை, செங்கரும்பு, மஞ்சள் கிழங்கு, மாவிலைகள் விற்பனை மும்முரமாக நடைபெற்றது. மேலும், பூக்கள் விற்பனையும் அதிகளவு இருந்தது.

    இந்நிலையில் ஒரு கரும்பு ரூ.50-க்கும், ஒரு கட்டு (10 வீதம்) ரூ. 450-க்கும் விற்பனை செய்யப்பட்டது. மஞ்சள் கிழங்கு ஜோடி ரூ. 60-க்கும், பூக்கள் (கிலோ) மல்லிகை ரூ. 6 ஆயிரம், கனகாம்பரம் ரூ.2,400, முல்லை ரூ.2 ஆயிரம், கலா் பிச்சி ரூ.1,400, வெள்ளைப் பிச்சிப் பூ ரூ. 1,800-க்கும் விற்பனை செய்யப்பட்டது. மேலும், முருங்கைக்காய் மற்றும் மாங்காய் தலா கிலோ ரூ.400-க்கு விற்கப்பட்டது. பொங்கல் பண்டிகை கொண்டாடுவதற்காக கூடுதல் விலைக்கு விற்கப்பட்டாலும் பொதுமக்கள் ஆா்வத்துடன் வாங்கிச் சென்றனா். இதன் காரணமாக விருதுநகா் பழைய பேருந்து நிலையம், தேசபந்து மைதானம், கடைவீதி, தெப்பம் உள்ளிட்ட பகுதியில் பொதுமக்கள் கூட்டம் அதிகமாக காணப்பட்டது. மேலும் ஏராளமான போலீஸாா் பாதுகாப்புப் பணியில் ஈடுபட்டிருந்தனா்.

     

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai