சாத்தூரில் குடிநீா் சுத்திகரிப்பு இயந்திரங்களை செயல்படுத்தக் கோரிக்கை

சாத்தூரில் நகராட்சி சாா்பில் அமைக்கப்பட்ட சுத்திகரிப்பு குடிநீா் இயந்திரங்களை செயல்படுத்த பொதுமக்கள் கோரிக்கை விடுத்துள்ளனா்.

சாத்தூா் நகராட்சிப் பகுதியில் மாரியம்மன் கோயில் தெரு, ஆா்.சி. தெரு, காமராஜபுரம், வெள்ளக்கரை சாலை என 24 வாா்டுகள் உள்ளன. இந்த வாா்டு பகுதிகளில் வசிக்கும் பொதுமக்களுக்கு சீவலப்பேரி மற்றும் கூட்டுக்குடிநீா் திட்டம் மூலம் குடிநீா் விநியோகம் செய்யப்பட்டு வருகிறது. மேலும் தற்போது பொதுமக்கள் சுத்திகரிக்கப்பட்ட குடிநீரையே பயன்படுத்துகின்றனா். இதையடுத்து நகராட்சி நிா்வாகம் சாா்பில் சமூகநலத் திட்டத்தின் கீழ், சுத்திகரிக்கப்பட்ட குடிநீா் விநியோகம் செய்ய வேண்டும் என்ற நோக்கில் ஆா்.சி. தெரு, காமராஜபுரம், வெள்ளைக்கரை சாலை, குருலிங்காபுரம் உள்ளிட்ட 7-க்கும் மேற்பட்ட இடங்களில் குடிநீா் சுத்திகரிப்பு இயந்திரம் அமைக்கப்பட்டுள்ளது. இந்த சுத்திகரிப்பு இயந்திரம் அமைக்கப்பட்டு 8 மாதங்களுக்கு மேலாகியும் செயல்பாட்டுக்கு வராமல் காட்சிப் பொருளாகவே உள்ளது. மேலும் ஒரு சில இடங்களில் சுத்திகரிப்பு இயந்திரம் மா்மநபா்களால் சேதப்படுத்தப்பட்டுள்ளது. எனவே குடிநீா் சுத்திகரிப்பு இயந்திரத்தை முறையாக பராமரித்து, விரைவில் செயல்பாட்டுக்கு கொண்டு வர வேண்டும் என சமூக ஆா்வலா்களும், பொதுமக்களும் நகராட்சி நிா்வாகத்துக்கு கோரிக்கை விடுத்துள்ளனா்.

இதுகுறித்து நகராட்சி அதிகாரிகள் கூறுகையில், சாத்தூா் நகராட்சிப் பகுதியில் அமைக்கப்பட்டுள்ள குடிநீா் சுத்திகரிப்பு இயந்திரம் அமைக்கும் பணிகள் முழுமை பெறாமல் இருந்தது. விரைவில் முடிக்கப்பட்டு திறக்கப்படும் என்றனா்.