தமிழ்நாடு அரசு போக்குவரத்து விருதுநகா் மண்டலம் சாா்பில் 31 ஆவது சாலை பாதுகாப்பு வாரவிழாவினை முன்னிட்டு திங்கள்கிழமை, சாலை பாதுகாப்பு விழிப்புணா்வு கண்காட்சி பேருந்து பொதுமக்கள் பாா்வைக்காக திறந்து வைக்கப்பட்டது.
விருதுநகரில் உள்ள அரசுப் பேருந்து அலுவலக வளாகத்தில் இந்த பேருந்து நிறுத்தப்பட்டுள்ளது. இதனை விருதுநகா் மண்டல மேலாளா் சிவலிங்கம் மக்கள் பாா்வையிட தொடக்கி வைத்தாா்.
சாலை பாதுகாப்பு வாரவிழாவினையொட்டி 20ஆம் தேதி முதல் 25 ஆம் தேதி வரையும் மற்றும் 27 ஆம் தேதியும், போக்குவரத்துத் துறை சாா்பில் மாவட்டம் முழுவதும் சாலை பாதுகாப்பு விழிப்புணா்வு ஏற்படுத்த நிகழ்ச்சிகள் ஏற்பாடு செய்யப்பட்டுள்ளன.
செவ்வாய்க்கிழமை (ஜன. 21)பேருந்து ஓட்டுனா் மற்றும் பயிற்சி ஆசிரியா்கள், இருசக்கர வாகனம் ஓட்டுபவா்களுக்கு சாலை விதிகளை கூறுதல், மீறுபவா்களுக்கு ரோஜாப் பூ வழங்குதல், 22 ஆம் தேதி போக்குவரத்து காவல் திட்டப்பிரிவு சாா்பில் விபத்து தடுப்பு விழிப்புணா்வு பயிற்சி மற்றும் முதலுதவி பயிற்சி வகுப்புகள் நடத்துதல், 23 ஆம் தேதி பள்ளி மற்றும் கல்லூரி மாணவா்களுக்கு சாலை பாதுகாப்பு குறித்து பேச்சுப் போட்டி, கட்டுரைப் போட்டி நடத்தி பரிசு வழங்குவது, 24 ஆம் தேதி வாழுங்கலை பயிற்சி அளிப்பது, 25 ஆம் தேதி ஓட்டுநா் மற்றும் நடத்துநா்களுக்கு இலவச கண் பரிசோதனை முகாம் நடத்துவது, 27 ஆம் தேதி சிறப்பாக பணியாற்றும் ஓட்டுநா் மற்றும் நடத்துநா்களுக்கு பரிசு வழங்கி பாராட்டுவது ஆகிய நிகழ்ச்சிகள் நடத்தப்பட உள்ளதாக அதிகாரிகள் தெரிவித்தனா்.
கண்காட்சி பேருந்து தொடக்க விழாவில் மண்டல துணை மேலாளா் பாலசுப்பிரமணியன் உள்ளிட்டோா் கலந்து கொண்டனா்.