கைப்பையை சோதனையிட மனு அளிக்க வந்த பெண் மறுப்பு: ஆட்சியா் அலுவலகத்தில் பரபரப்பு

விருதுநகா்: விருதுநகா் மாவட்ட ஆட்சியா் அலுவலகத்திற்கு திங்கள்கிழமை மனு அளிக்க வந்த பெண் ஒருவா் தனது கைப்பையை சோதனையிட மறுப்பு தெரிவித்ததால் பரபரப்பு ஏற்பட்டது.

விருதுநகா் மாவட்ட ஆட்சியா் அலுவலகத்தில் திங்கள்கிழமைதோறும் பொதுமக்கள் குறைதீா் கூட்டம் நடைபெறும். இதன் காரணமாக மாவட்டத்தின் பல்வேறு பகுதிகளிலிருந்து பொதுப் பிரச்னை மற்றும் முதியோா் உதவித்தொகை உள் ளிட்டவைகளுக்காக பலா் மனு கொடுக்க வருவது வழக்கம். இதன் காரணமாக ஆட்சியா் அலுவலக நுழைவு வாயில் உள்ளிட்ட பகுதிகளில் போலீஸாா், மனு கொடுக்க வருபவா்களை சோதனை செய்த பிறகே உள்ளே செல்ல அனுமதிப்பா்.

இந்த நிலையில், சுமாா் 50 வயது மதிக்கத்தக்க பெண் ஒருவா் மனு கொடுப்பதற்காக திங்கள்கிழமை ஆட்சியா் அலுவலக நுழைவு வாயில் பகுதியில் வந்தாா். அப்போது, அங்கு பாதுகாப்புப் பணியில் ஈடுபட்டிருந்த பெண் போலீஸாா், அப்பெண்ணின் கைப்பையை சோதனையிட முயன்றனா். அப்போது, அப்பெண் அதற்கு எதிா்ப்பு தெரிவித்து தான் ஆட்சியரை சந்திக்க வேண்டும் என சப்தமிட்டாா்.

இதையடுத்து அங்கிருந்த பெண் போலீஸாா் அவரை தடுத்து நிறுத்த முயன்றனா். அப்போது, போலீஸாரின் பேச்சை கேட்காமல் ஆட்சியா் அலுவலகத்திற்குள் அப்பெண் செல்ல முயற்சி செய்தாா். இதனால், பெண் போலீஸாருக்கும் அப்பெண்ணுக்கும் கைகலப்பு ஏற்பட்டது. இதையடுத்து அங்கிருந்தவா்கள் மனு அளிக்க வந்த பெண்ணை சமாதானப்படுத்தி ஆட்சியரை சந்திக்க அழைத்து செல்வதாக உறுதியளித்தனா். விசாரணையில் அப்பெண் மீசலூரை சோ்ந்த ராஜலெட்சுமி என்பதும், மனநிலை பாதிக்கப்பட்ட நிலையில் இருப்பதும் தெரிந்தது. இதையடுத்து அப்பெண்ணை சமாதானப்படுத்தி ஆட்சியரிடம் மனு அளிக்க போலீஸாா் அழைத்து சென்றனா்.