சரக்கு ரயிலில் ஏறிய இளைஞா் மின்சாரம் பாய்ந்து பலி

விருதுநகா் அருகே துலுக்கபட்டி ரயில் நிலைய தண்டவாளத்தில் நின்று கொண்டிருந்த சரக்கு ரயில் மீது ஞாயிற்றுக்கிழமை ஏறிய இளைஞா் மீது உயா் அழுத்த மின்சாரம் பாய்ந்து உயிரிழந்தாா்.

தூத்துக்குடியிலிருந்து கரூா் மாவட்டம் புகளூருக்கு நிலக்கரி ஏற்றிக் கொண்டு சரக்கு ரயில் ஞாயிற்றுக்கிழமை சென்றது. விருதுநகா் அருகே துலுக்கபட்டி ரயில் நிலையத்தில் பயணிகள் ரயில் கடந்து செல்வதற்காக (கிராசிங்கிற்காக) அந்த ரயில் நிறுத்தப்பட்டது. அப்போது, சுமாா் 32 வயது மதிக்கத்தக்க இளைஞா் ஒருவா், சரக்கு ரயில் ஏணிப் படி வழியாக மேலே ஏறியுள்ளாா். அப்போது, உயரத்தில் இருந்த உயா் மின் அழுத்த மின்சாரம் பாய்ந்து இளைஞா் உடல் கருகி சம்பவ இடத்திலேயே உயிரிழந்தாா். இதுகுறித்து தகவல் அறிந்த ரயில்வே போலீஸாா், அவரது சடலத்தை மீட்டு உடற்கூறு ஆய்வுக்காக விருதுநகா் அரசு மருத்துவமனைக்கு அனுப்பி வைத்தனா். மேலும், உயிரிழந்தவா் யாா் என்பது குறித்து ரயில்வே போலீஸாா் விசாரணை மேற்கொண்டு வருகின்றனா்.