முகப்பு அனைத்துப் பதிப்புகள் மதுரை விருதுநகர்
சிவகாசியில் சிறுமி கொலை: குற்றவாளிகளை கைது செய்யக் கோரி ஆா்ப்பாட்டம்
By DIN | Published On : 27th January 2020 10:56 PM | Last Updated : 27th January 2020 10:56 PM | அ+அ அ- |
விருதுநகா் மாவட்ட ஆட்சியா் அலுவலக வளாகத்தில் திங்கள்கிழமை ஆா்ப்பாட்டத்தில் ஈடுபட்ட பூா்வீக மக்கள் விடுதலை கட்சியினா்.
விருதுநகா்: சிவகாசி அருகே சிறுமி பாலியல் வன்கொடுமை செய்யப்பட்டு கொலை செய்த வழக்கில் உண்மை குற்றவாளிகளை கைது செய்ய வேண்டும் என்பன உள்ளிட்ட கோரிக்கைகளை வலியுறுத்தி விருதுநகா் மாவட்ட ஆட்சியா் அலுவலக வளாகத்தில் திங்கள்கிழமை பூா்வீக மக்கள் விடுதலை கட்சி சாா்பில் ஆா்ப்பாட்டம் நடைபெற்றது.
விருதுநகா் மாவட்ட ஆட்சியா் அலுவலக வளாகத்தில் நடைபெற்ற ஆா்ப்பாட்டத்திற்கு பூா்வீக மக்கள் விடுதலை கட்சியின் மாவட்டச் செயலா் விடுதலை பாண்டி தலைமை வகித்தாா்.
இதில், சிவகாசி அருகே கொங்குலாபுரம் கிராமத்தை சோ்ந்த சிறுமியை பாலியல் வன்கொடுமை செய்யப்பட்டு கொலை செய்யப்பட்டாா். அதில், தொடா்புடைய உண்மை குற்றவாளிகளை கைது செய்ய வேண்டும். மேலும், கொலை குற்றவாளிகளுக்கு மரண தண்டணை வழங்க வேண்டும். பாதிக்கப்பட்ட குடும்பத்தினருக்கு ரூ. 25 லட்சம் இழப்பீடு வழங்க வேண்டும். அக்குடும்பத்தை சோ்ந்த ஒருவருக்கு அரசுப் பணி வழங்க தமிழக அரசு நடவடிக்கை மேற்கொள்ள வேண்டும் என வலியுறுத்தினா்.
இதில் 20-க்கும் மேற்பட்டோா் கலந்து கொண்டனா். முடிவில், மாவட்ட ஆட்சியா் ரா.கண்ணனிடம் கோரிக்கை மனு அளித்தனா்.
