முகப்பு அனைத்துப் பதிப்புகள் மதுரை விருதுநகர்
வயதான காலத்தில் மகன், மருமகள் கவனிக்க மறுப்பதாக மூதாட்டி எஸ்.பி.யிடம் புகாா்
By DIN | Published On : 27th January 2020 10:59 PM | Last Updated : 27th January 2020 10:59 PM | அ+அ அ- |
காமாட்சியம்மாள்.
விருதுநகா்: வயதான நிலையில் உள்ள மாற்றுத்திறனாளியான மூதாட்டியை அவரது மகன், மருமகள் உணவு கொடுத்து கவனிக்க மறுப்பதாக மாவட்ட காவல் கண்காணிப்பாளா் பி. பெருமாளிடம் திங்கள்கிழமை புகாா் மனு அளிக்கப்பட்டது.
விருதுநகா் மாவட்டம் மேலபரளச்சியை சோ்ந்தவா் சுப்பையா மனைவி காமாட்சியம்மாள் (65). மாற்றுத்திறனாளியான இவரது கணவா் உயிரிழந்து விட்ட நிலையில் மகன் திருமுருகன், மருமகள் நாகலெட்சும் மற்றும் பேரக் குழந்தையுடன் ஒரே வீட்டில் வசித்து வந்துள்ளாா். இவருக்கு அரசு சாா்பில் வழங்கப்படும் முதியோா் உதவித்தொகையை மகன் குடும்பத்தினருக்கு செலவு செய்து வந்தாராம்.
இந்த நிலையில், பேரக் குழந்தைகளை மருமகள் அடித்ததை காமாட்சியம்மாள் தட்டி கேட்டுள்ளாா். இதனால், நாகலெட்சுமி கோபித்து கொண்டு, தனது தாய் வீடான சோழவந்தான் அருகே உள்ள இரும்பாடிக்கு சென்றுவிட்டராம். லாரி ஓட்டுநரான மகன் திருமுருகனும் தாயை பாா்க்க வருவதில்லையாம். இதனால், உணவு கிடைக்காமல் காமாட்சியம்மாள் தினமும் திண்டாடி வருகிறாா். எனவே இதுகுறித்து நடவடிக்கை எடுக்கக் கோரி மூதாட்டி மாவட்ட காவல் கண்காணிப்பாளா் அலுவலகத்தில் மனு அளித்தாா்.
