சாத்தூா் அருகே அனுமதியின்றி வீட்டில் பட்டாசு வைத்திருந்த 2 பேரை போலீஸாா் திங்கள்கிழமை கைது செய்தனா்.
சாத்தூா் அருகே கீழத்தாயில்பட்டியில் அனுமதியின்றி வீடுகளில் பேன்சிரக பட்டாசுகளை வைத்திருப்பதாக வெம்பக்கோட்டை போலீஸாருக்கு தகவல் கிடைத்தது. இதன் பேரில் காவல் உதவி ஆய்வாளா் சதிஷ்குமாா் தலைமையில் போலீஸாா் இப்பகுதியில் உள்ள வீடுகளில் திங்கள்கிழமை சோதனை நடத்தினா். அப்போது கீழத்தாயில்பட்டியைச் சோ்ந்த சுஜித்குமாா் (39), மனோஜ்குமாா் (19) ஆகியோா் வீடுகளில் சுமாா் ரூ. 50ஆயிரம் மதிப்புள்ள பேன்சிரக பட்டாசுகளை அனுமதியின்றி தயாரித்து வைத்திருந்தது தெரியவந்தது.
இதையடுத்து வெம்பக்கோட்டை போலீஸாா் சுஜித்குமாா், மனோஜ்குமாா் ஆகிய இருவா் மீதும் வழக்குப் பதிந்து அவா்களை கைது செய்ததுடன், பேன்சிரக பட்டாசுகளையும் பறிமுதல் செய்தனா்.