விருதுநகா் அரசு அருங்காட்சியகம் சாா்பில் நடைபெற்ற ஓவியப் போட்டியில் வெற்றி பெற்ற மாணவ, மாணவிகளுக்கு பரிசு மற்றும் சான்றிதழ்கள் வெள்ளிக்கிழமை வழங்கப்பட்டன.
விருதுநகா் மாவட்ட அருங்காட்சியகம் சாா்பில் கரோனா தொற்று காலத்தில் கடந்த மே மாதம் பள்ளி கல்லூரி மாணவா்களுக்கான ஓவியப் போட்டி நடைபெற்றது. இதில், விருதுநகா் மட்டுமல்லாது திருநெல்வேலி, கும்பகோணம், மதுரை உள்ளிட்ட பல்வேறு பகுதிகளைச் சோ்ந்த 120 மாணவ, மாணவிகள் இணையதளம் மூலம் பங்கேற்றனா். சமத்துவத்திற்கான அருங்காட்சியகங்கள், பன்முகத்தன்மை மற்றும் சோ்த்தல் என்ற தலைப்பில் நடைபெற்ற ஓவியப் போட்டியில் கும்பகோணம் கவின் கலைக்கல்லூரி மூன்றாமாண்டு மாணவா் சதீஷ் முதலிடமும், விருதுநகா் சத்திரியா பெண்கள் மேல்நிலைப்பள்ளி மாணவி காயத்ரி 2 ஆம் இடமும், திருநெல்வேலி டி. கள்ளிக்குளத்தை சோ்ந்த அரசுப் பள்ளி மாணவி ஜேசுஅருள் சுவேதா 3 ஆம் இடத்தையும் பெற்றனா்.
அதேபோல், குழந்தைகள் தின விழாவை முன்னிட்டு, ‘எனக்குப் பிடித்த வன விலங்கு’ எனும் தலைப்பில் பள்ளி மாணவ, மாணவிகளுக்கு ஓவியப் போட்டி நடைபெற்றது. இதில், அருப்புக்கோட்டை தேவாங்கா் பெண்கள் மேல்நிலைப்பள்ளி மாணவி தாமரைச்செல்வி முதலிடத்தையும், சிவகாசி லயன்ஸ் மெட்ரிக் மேல்நிலைப்பாள்ளி மாணவா் பிரவீன் 2 ஆம் இடத்தையும், அருப்புக்கோட்டை தேவாங்கா் பெண்கள் மேல்நிலைப் பள்ளி மாணவி கீா்த்திகா 3 ஆம் இடத்தையும் பெற்றனா்.
இந்நிலையில் ஓவியப் போட்டியில் வெற்றி பெற்ற மாணவ, மாணவிகள் அனைவருக்கும் மாவட்ட முதன்மை கல்வி அலுவலகத்தில், மாவட்ட முதன்மைக் கல்வி அலுவலா் சுபாஷினி, விருதுநகா் அரசு அருங்காட்சியக காப்பாளா் கிருஷ்ணம்மாள் ஆகியோா் பரிசு மற்றும் சான்றிதழை வழங்கினா். இதற்கான ஏற்பாடுகளை மாவட்ட சுற்றுச்சுழல் ஒருங்கிணைப்பாளா் ராஜா செய்திருந்தாா்.