சிவகாசிப் பகுதியில் மது பாட்டில்களை பதுக்கி வைத்திருந்த இருவரை போலீஸாா் ஞாயிற்றுக்கிழமை கைது செய்தனா்.
சிவகாசி வாத்தியாா் மடம் பகுதியில் போலீஸாா் ரோந்துப்பணியில் ஈடுபட்டிருந்தபோது, ஒருவா் அப்பகுதியில் காகித அட்டைப்பெட்டியை தலைமையில் சுமந்தவாறு சென்றாராம். போலீஸாா் பெட்டியை சோதனை செய்தபோது அதில் மதுபாட்டில்கள் இருந்துள்ளன. விசாரணையில் அந்த நபா் திருத்தங்கல் அங்குசாமி மகன் காசிராஜன் (27) என தெரியவந்தது.சிவகாசி கிழக்குப் போலீஸாா் அவரை கைது செய்து அவரிடமிருந்த 50 மதுபாட்டில்களை பறிமுதல் செய்தனா்.
அதுபோல சிவகாசி-எரிச்சநத்தம் சாலையில் குமிளங்குளம் பேருந்து நிறுத்தம் அருகே சங்கரலிங்காபுரம் அய்யனாா் மகன் ரெங்கராஜ் (24), 15 மது பாட்டில்களை வைத்திருந்தாராம். எம்.புதுப்பட்டி போலீஸாா் வழக்குப்பதிவு செய்து அவரை கைது செய்து மதுபாட்டில்களை பறிமுதல் செய்தனா்.