ஸ்ரீவில்லிபுத்தூரில் தூய்மைப் பணியாளா்கள் ஆா்ப்பாட்டம்

பல்வேறு கோரிக்கைகளை நிறைவேற்ற வலியுறுத்தி ஸ்ரீவில்லிபுத்தூா் நகராட்சி அலுவலகம் முன் தூய்மைப் பணியாளா்கள் வியாழக்கிழமை ஆா்ப்பாட்டத்தில் ஈடுபட்டனா்.

ஆா்ப்பாட்டத்திற்கு சிஐடியு மாவட்ட துணைத் தலைவா் பிச்சைக்கனி தலைமை வகித்தாா். தூய்மைப் பணியாளா் சங்கத் தலைவா் காளியப்பன், செயலாளா் தா்மா் ஆகியோா் முன்னிலை வகித்தனா்.

இதில் கரோனா காலத்தில் நிரந்தர மற்றும் ஒப்பந்தத் தினக்கூலிப் பணியாளா்களுக்கு தமிழக முதல்வா் அறிவித்த ஊக்கத்தொகையை உடனே வழங்க வேண்டும். கரோனா பாதிப்புக்குள்ளாகி சிகிச்சை பெற்ற தொழிலாளா்களுக்கு ரூ. 2 லட்சம் நிவாரணம் வழங்க வேண்டும். ஒப்பந்தத் தினக்கூலி தூய்மைப் பணியாளா்களுக்கு ஆண்டுக்கு 3 செட் சீருடை மற்றும் அடையாள அட்டை வழங்க வேண்டும். தினக்கூலிப் பணியாளா்களுக்கு நடப்பாண்டு ஊதியத்தை மாவட்ட ஆட்சியா் தீா்மானித்துள்ள அடிப்படையில் வழங்க வேண்டும். நகராட்சியில் பணிபுரியும் தூய்மைப் பணியாளா்கள் பணியில் இருக்கும் போது உயிரிழந்தால் அவா்களது வாரிசுகளுக்கு கருணை அடிப்படையில் பணி வழங்க வேண்டும் என்பன உள்ளிட்ட கோரிக்கைகள் வலியுறுத்தப்பட்டன. இதில் மாவட்டக் குழு உறுப்பினா் வீரசதானந்தம், மாா்க்சிஸ்ட் கம்யூனிஸ்ட் நகரச் செயலாளா் ஜெயக்குமாா், ஒன்றியச் செயலாளா் சசிக்குமாா் உள்ளிட்டோா் கலந்து கொண்டனா்.