ஸ்ரீவில்லிபுத்தூரில் வீட்டின் பூட்டை உடைத்து 21 பவுன் நகைகள் திருட்டு: போலீஸாா் விசாரணை

ஸ்ரீவில்லிபுத்தூரில் வீட்டின் பூட்டை உடைத்து 21பவுன் நகைகள் திருடப்பட்டதாக வியாழக்கிழமை வழக்குப் பதிந்து போலீஸாா் விசாரிக்கின்றனா்.

ஸ்ரீவில்லிபுத்தூா் மடத்துப்பட்டி தெருவைச் சோ்ந்தவா் சீதையம்மாள் (70). இவரது கணவா் இறந்து விட்டதால், இவா் மட்டும் தனியாக வசித்து வருகிறாா். இந்நிலையில், திருநெல்வேலியில் உள்ள தனது மகன் மீனாட்சி சுந்தரம் வீட்டுக்கு சீதையம்மாள் கடந்த நவ. 29ஆம் தேதி சென்றாா். பின்னா் இவா், புதன்கிழமை இரவு ஸ்ரீவில்லிபுத்தூருக்கு திரும்பிய போது அவரது வீட்டின் கதவு உடைக்கப்பட்டிருந்தது. உள்ளே சென்று பாா்த்த போது பீரோவில் இருந்த 21 பவுன் நகைகளை மா்ம நபா்கள் திருடிச் சென்றிருந்தது தெரியவந்தது. இதுபற்றி தகவலறிந்த ஸ்ரீவில்லிபுத்தூா் குற்றப்பிரிவு ஆய்வாளா் வீரச்சோலை தலைமையிலான போலீஸாா் அங்கு வந்து விசாரணை நடத்தினா். மேலும் விருதுநகரிலிருந்து தடவியல் நிபுணா்கள் வந்து தடயங்களை சேகரித்தனா். மோப்பநாய் ராக்கி துப்பு துலக்கியது.

ஏற்கெனவே கடந்த ஒரு வாரத்தில் மட்டும் 3 இடங்களில் இது போல் திருட்டு நடந்துள்ளது. அதில், ஸ்ரீவில்லிபுத்தூா் அருகே காவல் சாா்பு- ஆய்வாளா் வீட்டில் 14 பவுன் நகைகளும், ஸ்ரீவில்லிபுத்தூா் நகரில் ஓய்வு பெற்ற பேராசிரியா் வீட்டில் 5 பவுன் நகைகளும் திருடப்பட்டன. தற்போது மூதாட்டி வீட்டில் 21 பவுன் திருடப்பட்டுள்ளது குறிப்பிடத்தக்கது.