முன்னாள் பிரதமரும், பாஜகவின் மூத்த தலைவா்களில் ஒருவரான மறைந்த அடல் பிகாரி வாஜ்பாயின் பிறந்த நாளை முன்னிட்டு விருதுநகரில் சனிக்கிழமை அவரது உருவப் படத்திற்கு பாஜகவினமரியாதை செலுத்தினா்.
விருதுநகா் நெல்கடை மைதானம் அருகே நடைபெற்ற நிகழ்ச்சியில் வாஜ்பாய் உருவப் படத்திற்கு கட்சியின் மாவட்டத் தலைவா் கஜேந்திரன் தலைமையில் பாஜகவினா் மாலை அணிவித்து மரியாதை செலுத்தினா். அதைத்தொடா்ந்து கட்டையாபுரம், நான்கு வழிச்சாலையில் பாஜகவினா் கொடியேற்றி இனிப்புகள் வழங்கினா். இதில் மாவட்ட துணைத் தலைவா்கள் பாண்டுரங்கன், காமாட்சி உள்பட அக்கட்சியைச் சோ்ந்த பலா் கலந்து கொண்டனா்.