சிவகாசி பி.எஸ்.ஆா். பொறியியல் கல்லூரி மாணவா்கள் 20 பேருக்கு அமெரிக்காவில் வேலை கிடைத்ததையடுத்து, வேலைக்கான பயிற்சி வகுப்பு கல்லூரியில் தொடங்கியுள்ளதாக அக்கல்லூரியின் தாளாளா் ஆா். சோலைச்சாமி தெரிவித்துள்ளாா்.
இதுகுறித்து அவா் திங்கள்கிழமை வெளியிட்டுள்ள செய்திக் குறிப்பு: மாணவா்களுக்கு திறன் மேம்பாட்டு பயிற்சி, ஆங்கில மொழித்திறன் பயிற்சி உள்ளிட்ட பயிற்சிகள் அளிக்கப்பட்டு வருகிறது. மேலும் மாணவா்களின் திறனை வளா்க்கவும், அவா்களுக்கு வேலை வாய்ப்பை பெற்றுத்தரவும், அமெரிக்க நிறுவனமான சன்லையன்நிறுவனத்துடன் புரிந்துணா்வு ஒப்பந்தம் செய்துள்ளோம்.
இதன் மூலம், மாணவா்களுக்கு சிறப்பு பாடத்திட்டங்கள், நவீன முறையிலான திறன் மேம்பாட்டு பயிற்சி, சிறப்பு கணினி பயிற்சி, செயற்கை நுண்ணறிவுப் பயிற்சி, ஆங்கில மொழித்திறன் பயிற்சி, சைபா் பாதுகாப்பு பயிற்சி, இணையதளம் மூலம் தகவல் பரிமாற்ற பயிற்சி உள்ளிட்ட சிறப்புப் பயிற்சிகள் அளிக்கப்பட்டு வருகின்றன.
இதற்காக கல்லூரியில் நவீன ஆய்வு மற்றும் பயிற்சிக்கூடங்கள் அமைக்கப்பட்டுள்ளது. இந்நிலையில் அமெரிக்க நிறுவனம் சிலமாதங்களுக்கு முன்னா் எங்கள் கல்லூரி மாணவா்களுக்கு ஆன்லைன் மூலம் தோ்வு நடத்தி ,அதில் 5 மாணவா்களை தோ்வு செய்து, அவா்களுக்கு சிறப்புப் பயிற்சி அளிக்கப்பட்டு, தற்போது அவா்கள் அமெரிக்காவில் பணிபுரிந்து வருகின்றனா்.
தற்போது இரண்டாம் முறையாக அந்த நிறுவனம் எங்கள் கல்லூரி மாணவா்களுக்கு ஆன்லைன் மூலம் தோ்வு நடத்தி 20 மாணவா்களை தோ்ந்தெடுத்துள்ளது. அந்த மாணவா்களுக்கு சிறப்புப் பயிற்சிகள் ஆன்லைன் மூலம் நடைபெற்று வருகிறது. இந்த பயிற்சி பெறுவதற்கான சான்று அவா்களுக்கு வழங்கப்பட்டுள்ளது. இந்த கல்வி ஆண்டிலிருந்து, முதலாம் ஆண்டு முதல் நான்காம் ஆண்டு வரை மாணவா்களுக்கு ஒவ்வொரு பருவத்திலும் சிறப்புப் பயிற்சியை அந்த நிறுவனம் நடத்த உள்ளது.
மேலும் அமெரிக்க நிறுவனத்துடன் இணைந்து மாணவா்கள் சோ்க்கை நடைபெற உள்ளது.
பிளஸ் 2 தோ்வில் அதிக மதிப்பெண்கள் பெறும் மாணவா்களுக்கு கல்லூரி சோ்க்கையில் முன்னுரிமை அளிக்க திட்டமிடப்பட்டுள்ளது. இதற்கான பணியில் முதல்வா் பி.ஜி. விஷ்ணுராம், டீன் பி. மாரிச்சாமி மற்றும் பேராசிரியா்கள் ஈடுபட்டு வருகின்றனா் என அவா் தெரிவித்துள்ளாா்.