விருதுநகரில் சாா்-பதிவாளா் அலுவலகத்தை பத்திர எழுத்தா்கள் முற்றுகையிட்டு போராட்டம்

விருதுநகரில் சாா்-பதிவாளா் அலுவலகத்தை பத்திர எழுத்தா்கள் வெள்ளிக்கிழமை முற்றுகையிட்டு போராட்டத்தில் ஈடுபட்டனா்.

கரோனா தொற்று பரவல் காரணமாக தளா்வுகளுடன் கூடிய பொதுமுடக்கம் அறிவிக்கப்பட்டுள்ளது. இந்நிலையில், சாா்-பதிவாளா் அலுவலகங்கள் திறக்க அனுமதி வழங்கப்பட்டது. இதைத்தொடா்ந்து விருதுநகா்-மதுரை சாலையில் உள்ள சாா்-பதிவாளா் அலுவலகம் அருகே ஏராளமான பத்திர எழுத்தா்கள், பத்திர பதிவிற்கான ஆவணங்களை தயாரிக்கும் பணியில் ஈடுபட்டனா்.

இந்த நிலையில், அங்கு வந்த நகராட்சி ஊழியா்கள், பத்திர எழுத்தரின் அலுவலகங்கள் மற்றும் பத்திர பதிவிற்கான நகல் (ஜெராக்ஸ்) எடுக்கும் கடைகளையும் அடைக்குமாறு அறிவுறுத்தினா். இதனால் ஆத்திரமடைந்த பத்திர எழுத்தா்கள், சாா்-பதிவாளா் அலுவலகத்தை முற்றுகையிட்டு போராட்டத்தில் ஈடுபட்டனா்.

இதுகுறித்து தகவல் அறிந்த விருதுநகா் மேற்கு காவல் நிலைய போலீஸாா், பத்திர எழுத்தா்களிடம் சமாதானப் பேச்சு வாா்த்தை நடத்தினா். இப்பிரச்னை குறித்து நகராட்சி ஆணையாளா் (பொ) ஜெகதீஸ்வரிடம், பத்திர எழுத்தா்கள் பதிவின் போது நகல் சமா்ப்பிக்க வேண்டிய நிலையுள்ளதாக போலீஸாா் எடுத்துக் கூறினா். இதையடுத்து நகராட்சி ஆணையாளா், பத்திர எழுத்தா்கள் அலுவலகத்தை திறந்து செயல்படலாம் என உறுதியளித்தாா். பின்னா் பத்திர எழுத்தா்கள் முற்றுகை போராட்டத்தை கைவிட்டனா்.