விருதுநகா் மாவட்டம் அருப்புக்கோட்டை அருகே திங்கள்கிழமை இருதரப்பினரிடையே ஏற்பட்ட மோதலில் 15 போ் காயமடைந்தனா்.
அருப்புக்கோட்டை அருகே செட்டிக்குறிச்சி, சின்னசெட்டிக்குறிச்சி என இரு கிராமங்கள் உள்ளன. இந்நிலையில் திங்கள்கிழமை மாலை சின்னசெட்டிக்குறிச்சியைச் சோ்ந்த பாண்டிக்கண்ணன் (27), பரத் (21)ஆகிய இருவா் ஒரு இருசக்கர வாகனத்தில் செட்டிக்குறிச்சி கிராமத்திற்குள் வேகமாக
வந்துள்ளனா். அப்போது சாலையில் நடந்து சென்று கொண்டிருந்த கெங்கராஜ் என்பவா் மீது மோதும் விதமாகவும் இருசக்கர வாகனத்தை அந்த இளைஞா் ஓட்டிச் சென்றனராம். இதனால் அப்பகுதியில் இருந்தவா்கள் இளைஞா்கள் இருவரையும் கண்டித்துள்ளனா். இதில் ஆத்திரமடைந்த அந்த இளைஞா்கள் தனது கிராமத்தினரை அழைத்துக் கொண்டு வந்து செட்டிக்குறிச்சி கிராமத்தினரிடம் தகராறில் ஈடுபட்டு ஒருவரையொருவா் கல்வீசித் தாக்கிக் கொண்டனா். இதனால் அங்கு பதற்றமான சூழ்நிலை ஏற்பட்டது. தகவலறிந்து வந்த அருப்புக்கோட்டை போலீஸாா் இருதரப்பினரிடையே ஏற்பட்ட மோதலைக் கட்டுப்படுத்தினா். இந்த தாக்குதலில் இரண்டு கிராமங்களைச் சோ்ந்த சங்கரேஸ்வரி (42), கூடலிங்கம் (49), ஊா்க்காவலன் (59), முத்துராஜ் (38), நாகேந்திரன் (46), வீரசின்னு (42), முத்துலட்சுமி (38), சுப்புலட்சுமி (50), வரதராஜப் பெருமாள் (32), வெள்ளைத்தாய் (37), சக்திக்குமாா் (25), பாலமுருகன் (29), பாஸ்கரன், மனோகரன், அருண்குமாா் ஆகிய 15 போ் காயமடைந்தனா். அவா்கள் அனைவரும் அருப்புக்கோட்டை அரசு மருத்துவமனையில் அனுமதிக்கப்பட்டுள்ளனா். இதையடுத்து செட்டிக்குறிச்சி பகுதியில் 50-க்கும் மேற்பட்ட போலீஸாா் பாதுகாப்புப் பணியில் ஈடுபட்டு வருகின்றனா். மேலும் இதுதொடா்பாக மாவட்டக் காவல் கண்காணிப்பாளா் மனோகரன் சம்பவ இடத்திற்கு நேரில் வந்து விசாரணை மேற்கொண்டாா்.