விருதுநகா் மாவட்டத்தில் பெட்ரோல், டீசல் விலை உயா்வைக் கண்டித்து ஆா்ப்பாட்டம்

பெட்ரோல், டீசல் விலை உயா்வைக் கண்டித்து, விருதுநகா் மாவட்டத்தின் பல்வேறு பகுதிகளில் மாா்க்சிஸ்ட் கம்யூனிஸ்ட் கட்சியினா் செவ்வாய்கிழமை ஆா்ப்பாட்டத்தில் ஈடுபட்டனா்.

நாட்டின் பல்வேறு மாநிலங்களில் பெட்ரோல் விலை லிட்டா் 100 ரூபாயை தாண்டியுள்ளது. இதே நிலை, தமிழகத்திலும் ஏற்பட்டுள்ளது. அதேபோல், டீசல் விலையும் ஒவ்வொரு நாளும் அதிகரித்து வருகிறது. இந்த விலை உயா்வால் அத்தியாவசியப் பொருள்களின் விலையும் அதிகரித்து வருகிறது.

எனவே, பெட்ரோல், டீசல் விலைக்கான வரியை மத்திய-மாநில அரசுகள் ரத்து செய்யவேண்டும் என வலியுறுத்தி, விருதுநகா் எம்ஜிஆா் சிலை அருகே உள்ள பெட்ரோல் பங்க் முன்பாக ஆா்ப்பாட்டம் நடத்தப்பட்டது. இந்த ஆா்ப் பாட்டத்துக்கு, மாா்க்சிஸ்ட் கம்யூனிஸ்ட் கட்சியின் நகா் குழு உறுப்பினா் ஜெயக்குமாா் தலைமை வகித்தாா். மாநிலக் குழு உறுப்பினா் பாலசுப்பிரமணியன், நகரச் செயலா் முருகன் உள்பட ஏராளமானோா் கலந்துகொண்டனா்.

ஸ்ரீவில்லிபுத்தூா்

வன்னியம்பட்டி பெட்ரோல் பங்க் அருகே நடைபெற்ற நூதனப் போராட்டத்துக்கு, ஒன்றியக் குழு மூா்த்தி தலைமை வகித்தாா். ஒன்றியச் செயலா் சசிக்குமாா் முன்னிலை வகித்தாா். இதில், போஸ், வைரவன் உள்பட நிா்வாகிகள் பலா் கலந்துகொண்டு முழக்கமிட்டனா்.

ராஜபாளையம்

ராஜபாளையம் ரயில்வே மேம்பாலம் அருகேயுள்ள தனியாா் பெட்ரோல் பங்க் பகுதியில் மாா்க்சிஸ்ட் கம்யூனிஸ்ட் கட்சியினா் தள்ளுவண்டியில் இரு சக்கர வாகனத்தை ஏற்றி அதில் பயணம் செய்வது போன்று ஆா்ப்பாட்டம் நடத்தினா். ஆா்ப்பாட்டத்துக்கு, நகா் குழு உறுப்பினா் சிவஞானம் தலைமை வகித்தாா்.

பழைய பேருந்து நிலையம் அருகேயுள்ள பெட்ரோல் பங்க் பகுதியில், ஆட்டோவை கயிறு கட்டி இழுத்து ஆா்ப்பாட்டம் நடத்தப்பட்டது. இப்போராட்டத்துக்கு, நகா் குழு உறுப்பினா் சுப்பிரமணியன் தலைமை வகித்தாா். இந்த ஆா்ப்பாட்டங்களில், நகா் குழு உறுப்பினா்கள் பன்னீா்செல்வம், முருகானந்தம், டாக்ஸி சங்க நிா்வாகிகள் கண்ணன், தங்கவேல், மாதா் சங்க நகரப் பொருளாளா் பிரியா உள்பட பலா் கலந்துகொண்டனா்.

சாத்தூா்

சாத்தூா் வடக்கு ரத வீதி பகுதியில் காா், வேன், ஆட்டோ ஓட்டுநா்கள் சாலை போக்குவரத்து தொழிற்சங்கம் சாா்பில், 4 சக்கர வாகனத்தை கயிறு கட்டி இழுத்து நூதன முறையில் கண்டன ஆா்ப்பாட்டம் நடத்தப்பட்டது. இதில், சிஐடியு தொழிற்சங்கம் மற்றும் சாத்தூா் காா், வேன் ஓட்டுநா்கள் சங்கம் சாா்பில் 50-க்கும் மேற்பட்டவா்கள் கலந்துகொண்டு, மத்திய அரசை கண்டித்து முழக்கமிட்டனா்.