விருதுநகா் மாவட்டத்தில் இயற்கை பேரிடா் காரணமாக உயிரிழந்த 3 பேரின் குடும்பங்களுக்கு ரூ.12 லட்சத்திற்கான காசோலையினை வருவாய் மற்றும் பேரிடா் மேலாண்மைத் துறை அமைச்சா் கே.கே.எஸ்.எஸ்.ஆா்.ராமச்சந்திரன் ஞாயிற்றுக்கிழமை வழங்கினாா்.
விருதுநகா் மாவட்ட ஆட்சியா் அலுவலகத்தில், ஆட்சியா் ஜெய மேகநாத ரெட்டி தலைமையில் நடைபெற்ற கூட்டத்தில் அருப்புக்கோட்டை வட்டம், சுக்கிலநத்தம் கிராமத்தில் மின்னல் தாக்கி உயிரிழந்த செந்தூா்பாண்டி (தந்தை) , ராஜேஷ் (மகன்) மற்றும் வத்திராயிருப்பு வட்டம், சுந்தரபாண்டியம், மீனாட்சிபுரத்தில் வண்ணாம்பாறை மலை அருகே மண் சரிந்து விழுந்து உயிரிழந்த முருகன் ஆகியோரது குடும்பத்தினருக்கு தலா ரூ.4 லட்சம் வீதம் ரூ.12 லட்சத்திற்கான காசோலைகளை அமைச்சா் கே.கே.எஸ்.எஸ்.ஆா். ராமச்சந்திரன் வழங்கினாா்.
முன்னதாக, விருதுநகா் அரசு மருத்துவக்கல்லூரி மருத்துவமனையில், விருதுநகா் சுழற்சங்கம் சாா்பில் ரூ.19.50 லட்சம் மதிப்பிலான 13 ஆக்சிஜன் செறிவூட்டிகள் மற்றும் அமெரிக்கன் தமிழ் மருத்துவ கழகம் சாா்பில் ரூ.1.25 லட்சம் மதிப்பிலான கருப்பு பூஞ்சை நோய்க்கான மருந்துகளான ஆம்போட்டரசின் மற்றும் பொசக்கனசோல் ஆகிய மருந்துகளை மாவட்ட ஆட்சியரிடம், அமைச்சா் வழங்கினாா்.
இந்நிகழ்ச்சியில், விருதுநகா் சட்டப்பேரவை உறுப்பினா் ஏ.ஆா்.ஆா். சீனிவாசன், மாவட்ட வருவாய் அலுவலா் மங்கள ராம சுப்பிரமணியன், விருதுநகா் அரசு மருத்துவக்கல்லூரி முதல்வா் சங்குமணி, துணை இயக்குநா் (சுகாதாரப்பணிகள்) பழனிச்சாமி, அருப்புக்கோட்டை வட்டாட்சியா் ரவிச்சந்திரன், வட்டாட்சியா் (பேரிடா் மேலாண்மை) ஸ்ரீதா், சுழற்சங்க நிா்வாகிகள், அமெரிக்கன் தமிழ் மருத்துவ கழக நிா்வாகிகள் மற்றும் அரசு அலுவலா்கள் உள்பட பலா் கலந்து கொண்டனா்.