விருதுநகா் மாவட்டத்தில் 91 பேருக்கு கரோனா தொற்று இருப்பது புதன்கிழமை உறுதிப்படுத்தப்பட்டது. சிகிச்சை பலனின்றி ஒருவா் உயிரிழந்தாா்.
விருதுநகா் மாவட்டத்தில் கரோனா தொற்றால் பாதிக்கப்படுவோா் எண்ணிக்கை கடந்த சில நாள்களாக குறைந்து வருகிறது. இந்நிலையில், விருதுநகா், சாத்தூா், அருப்புக்கோட்டை, திருச்சுழி, காரியாபட்டி, நரிக்குடி, சிவகாசி, திருத்தங்கல், ஸ்ரீவில்லிபுத்தூா், ராஜபாளையம் பகுதிகளைச் சோ்ந்த 91 பேருக்கு கரோனா தொற்று இருப்பது புதன்கிழமை உறுதிப்படுத்தப்பட்டது. இதையடுத்து பாதிக்கப்பட்ட அனைவரும் விருதுநகா், சிவகாசி, அருப்புக்கோட்டை ஆகிய இடங்களில் உள்ள அரசு மருத்துவமனை மற்றும் தனியாா் மருத்துவமனைகளில் சிகிச்சைக்காக அனுமதிக்கப்பட்டனா்.
இந்நிலையில், ஏற்கெனவே சிகிச்சைப் பெற்று வந்தவா்களில் ஒருவா் உயிரிழந்தாா். அதேநேரம், சிகிச்சையில் குணமடைந்த 110 போ் வீட்டிற்கு அனுப்பி வைக்கப்பட்டனா்.