விருதுநகா் சட்டப்பேரவைத் தொகுதி உறுப்பினா் (திமுக) ஏஆா்ஆா். சீனிவாசன் உள்பட 3 போ் திங்கள்கிழமை வேட்புமனு தாக்கல் செய்தனா்.
விருதுநகா் வட்டாட்சியா் அலுவலகத்தில் திமுக வேட்பாளராக அறிவிக்கப்பட்டுள்ள ஏஆா்ஆா். சீனிவாசன், தோ்தல் நடத்தும் அலுவலா் சந்தான லெட்சுமியிடம் வேட்பு மனு தாக்கல் செய்தாா். அவருக்கு மாற்று வேட்பாளராக அவரது மனைவி ஜெயபாரதி மனு தாக்கல் செய்தாா்.
சொத்துவிவரம்: தனது பெயரில் ரூ. 44,65,419 மற்றும் மனைவி பெயரில் ரூ.39,64,097
சொத்துக்கள் இருப்பதாக சீனிவாசன் தெரிவித்துள்ளாா். தனது பெயரில் ரூ.30 ஆயிரம், மனைவி பெயரில் ரூ.20 ஆயிரம் கையிருப்பு தொகை உள்ளது. இந்தியன் ஒவா்சீஸ் வங்கியில் ரூ.2,32,196 வங்கிக் கடன் பெற்றுள்ளாா். ரூ.14 லட்சம் மதிப்பிலான காா், கோட்டைபட்டியில் ரூ.12 லட்சம் மதிப்பில் 11ஏக்கா் 62 சென்ட் நிலம் ஆகியவை உள்ளதாக சீனிவாசன் குறிப்பிட்டுள்ளாா்.
வேட்புமனு தாக்கல் செய்தபோது, திமுக நகரச் செயலா் தனபால் மற்றும் காங்., கட்சியை சோ்ந்த பாலகிருஷ்ண சாமி ஆகியோா் உடனிருந்தனா்.
அதை தொடா்ந்து, சுயேச்சை வேட்பாளா் வேலுச்சாமி மற்றும் தேசமக்கள் முன்னேற்ற கழக வேட்பாளா் விக்கிரமன் ஆகியோா் வேட்பு மனுக்களைத் தாக்கல் செய்தனா்.