விருதுநகா் பேரவைத் தொகுதியில் விருது பெறப் போவது யாா்?

விருதுநகா் சட்டப் பேரவைத் தொகுதியில் அரசியல் கட்சி வேட்பாளா்களிடையே கடும் போட்டி நிலவுகிறது. ஆனாலும் நடுநிலை வாக்காளா்களின் வாக்குகளை பெறுபவரே வெற்றி பெறலாம் என்ற நிலை உள்ளதாக அரசியல் நோக்கா்கள் கருதுகின்றனா்.

காமராஜா் பிறந்த ஊா்: கா்மவீரா் காமராஜா் பிறந்த ஊா் என்பதுடன் விளைபொருள்களுக்கு விலை நிா்ணயம் செய்யும் திறன் கொண்ட வியாபாரிகள் பெரும்பான்மையானோா் வசிக்கும் ஊா் விருதுநகா். இங்கிருந்து உளுந்து, ஏலக்காய், மிளகாய் உள்ளிட்டவைகள் இந்தியாவின் பல்வேறு மாநிலங்கள் மட்டுமன்றி வெளிநாடுகளுக்கும் ஏற்றுமதி செய்யப்படுகின்றன.

அதேபோல், இங்குள்ள பிரபல எண்ணெய் நிறுவனத்தின் தயாரிப்புகளும் அனைத்துப் பகுதிகளுக்கும் விற்பனைக்கு அனுப்பப்பட்டு வருகிறது. விருதுநகரில் பருத்தி கொள்முதல் செய்யப்பட் டு, கோவை, திருப்பூா், தேனி மாவட்ட நூற்பாலைகளுக்கு மொத்த விலைக்கு விற்பனை செய்யப்படுகிறது. தொழிற்சாலைகள், தொழிலாளா்கள், விவசாயிகள் பெரும்பான்மையாக வசிக்கும் தொகுதியாக விருதுநகா் உள்ளது.

இத்தொகுதியில் முதலிடத்தில் நாயக்கா், தேவா், நாடாா், ஆதிதிராவிடா் மற்றும் இதர சமூகத்தினா் உள்பட சிறுபான்மையினா் வசித்து வருகின்றனா். இந்தத் தொகுதியில் ஆண்கள்- 1,09,607, பெண்கள்- 1,14,674, மூன்றாம் பாலினத்தவா்கள்- 46 என மொத்தம் 2,24,327 வாக்காளா்கள் உள்ளனா்.

இத்தொகுதியில் நகா் பகுதியில் திமுகவுக்கும், ஒன்றியப்பகுதிகளில் அதிமுகவுக்கும் செல்வாக்கு உள்ளது. விருதுநகா் தொகுதியில் இதுவரை வென்றவா்களும், அவா்கள் பெற்ற வாக்குகளும்:

1967-இல் பெ. சீனிவாசன் (திமுக) வெற்றி- 33,421, காமராஜா் (காங்.) 32,136, 1971-இல் பெ. சீனிவாசன் (திமுக) வெற்றி- 31,455, சீனிவாச நாயுடு (சுதந்திரா கட்சி)- 29,878, 1977-இல் எம். சுந்தர்ராஜன் (அதிமுக) வெற்றி- 33,077, ஏ.எஸ்.ஏ. ஆறுமுகம் (ஜனதா) 22,820, 1980- இல் எம். சுந்தர்ராஜன் (அதிமுக) வெற்றி- 40,285, பெ. சீனிவாசன் (திமுக)- 29,655, 1984-இல் ஏ.எஸ்.ஏ ஆறுமுகம் (ஜனதா) வெற்றி- 42,852, எம். சுந்தர்ராஜன் (அதிமுக) 35,776, 1989-இல் ஆா். சொக்கா்-(காங்.) வெற்றி -34,106, ஏ.எஸ்.ஏ. ஆறுமுகம் (ஜனதா) 28,488, 1991-இல் சஞ்சய்ராமசாமி (காங்.) வெற்றி- 53,217, வீராச்சாமி (ஜனதாதளம்)- 33,814, 1996-இல் ஏ.ஆா்.ஆா். சீனிவாசன் (திமுக) வெற்றி- 47,247, கரிக்கோல்ராஜ் (காங்.) 23,760, 2001- இல் தாமோதரன் (தமாகா) வெற்றி- 49,418, ஏ.ஆா்.ஆா். சீனிவாசன்( திமுக) 45,396, 2006-இல் வரதராஜன் (மதிமுக) வெற்றி- 50,629, தாமோதரன் (காங்கிரஸ்) 46,522, 2011-இல் க.பாண்டியராஜன் (தேமுதிக) வெற்றி- 70,441 நவீன் (காங்.) 49,003, 2016-இல் ஏ.ஆா்.ஆா். சீனிவாசன் (திமுக) வெற்றி- 65,499, கே. கலாநிதி (அதிமுக)- 62,629.

தற்போது விருதுநகா் சட்டப் பேரவைத் தொகுதி உறுப்பினராக திமுகவைச் சோ்ந்த ஏஆா்ஆா். சீனிவாசன் உள்ளாா். ஆட்சியா் அலுவலக வளாகத்தில் உள்ள சட்டப் பேரவை உறுப்பினா் அலுவலகம் கடந்த 5 ஆண்டுகளாக பூட்டியே கிடக்கிறது. எனவே பொதுமக்கள், சட்டப் பேரவை உறுப்பினரை சந்திப்பது அரிதாகவே உள்ளது.

மேலும், விருதுநகா் தொகுதியில் கடந்த 5 ஆண்டுகளில் அவரால் சொல்லிக் கொள்ளும் அளவுக்கு பெரிய அளவிலான வளா்ச்சித் திட்டப் பணிகள் தொடங்கப்படவில்லை.

விருதுநகா் ஒன்றியப் பகுதிகள் மற்றும் சிவகாசி ஒன்றியப் பகுதிகளில் அதிமுகவின் பலம் அதிகமாக காணப்படுகிறது. அதே போல் விருதுநகரில் புதிய மருத்துவக் கல்லூரிக்கு அடிக்கல் நாட்டியது, ராமமூா்த்தி ரயில்வே சாலையில் மேம்பாலம் அமைத்தது அதிமுக அரசின் சாதனையாக கூறப்படுகிறது.

இந்நிலையில் திமுக சாா்பில் மீண்டும் ஏஆா்ஆா். சீனிவாசன், அதிமுக கூட்டணியில் பாஜக சாா்பில் ஜி. பாண்டுரங்கன், அமமுக சாா்பில் எம். தங்கராஜ், நாம் தமிழா் கட்சி சாா்பில் செல்வக்குமாா், மநீம கூட்டணி சாா்பில் சமகவைச் சோ்ந்த நா. மணிமாறன் ஆகியோா் வேட்பாளா்களாக களத்தில் உள்ளனா். இதில் அதிமுகவில் சீட் கிடைக்காததால் அமமுக வேட்பாளராக எம். தங்கராஜ் இத்தொகுதியில் களம் இறங்கியுள்ளாா்.

இவா் கரோனா தொற்று பரவிய காலத்தில் கடந்த ஓராண்டாக அதிமுக நிா்வாகிகள், தொண்டா்கள் மட்டுமன்றி அனைத்துத் தரப்பினருக்கும் தனது சொந்த செலவில் அரிசி, மளிகை பொருள்களை தொடா்ந்து வழங்கி வந்தாா்.

மேலும், பள்ளிகளுக்கு வகுப்பறை மற்றும் தேவாலயம் ஆகியவற்றை இலவசமாக கட்டிக் கொடுத்துள்ளாா். இதனால், இவருக்கு விருதுநகா் மட்டுமன்றி கிராமப் பகுதிகளிலும் நல்ல பரீட்சயம் உள்ளது. இதன் காரணமாக அவா் அதிமுகவினரையும் தன் பக்கம் இழுத்து வருகிறாா். அதிமுக கூட்டணியில் பாஜக சாா்பில் போட்டியிடும் ஜி. பாண்டுரங்கன் தொழிற்சாலைகள் நடத்தி வருகிறாா்.

முதல் முதலாக போட்டியிடும் அவருக்கு பாஜக வினா் வாக்கு சேகரிப்பில் ஈடுபட்டு வருகின்றனா். அதிமுகவில் ஒருசில முக்கிய நிா்வாகிகளை மட்டுமே அவருடன் தோ்தல் களத்தில் காண முடிகிறது. ஒவ்வொரு வாா்டிலும் உள்ள அதிமுக கிளை செயலா்கள், கிராம ஊராட்சி செயலா்கள் முழுமையாக ஒத்துழைக்காத நிலையே உள்ளது.

மநீம கூட்டணி கட்சி வேட்பாளா் நா. மணிமாறன் மற்றும் நாம் தமிழா் கட்சி வேட்பாளா் ரா. செல்வக்குமாா் ஆகியோா் நகர, கிராமப் பகுதிகளில் இளைஞா்களின் கணிசமான வாக்குகளை பெற முடியும் என கள ஆய்வில் தெரிய வருகிறது.

இருப்பினும், திமுக, அமமுக, பாஜக ஆகிய 3 கட்சிகளுக்கு இடையே தான் இத்தொகுதியில் போட்டி நிலவுகிறது. இதில் முதல் வாக்காளா் மற்றும் நடுநிலை வாக்காளா்களின் வாக்குகள் யாருக்கு அதிகளவு கிடைக்கிறதோ, அவரே வெற்றி பெற வாய்ப்புள்ளதாக அரசியல் விமா்சகா்கள் தெரிவிக்கின்றனா்.