விருதுநகா் மாவட்டம் சிவகாசி- விளாம்பட்டி சாலையில் தேன்காலனி பேருந்து நிறுத்தம் அருகே காவல்துறையினரைக் கண்டித்து பொதுமக்கள் வெள்ளிக்கிழமை சாலை மறியலில் ஈடுபட்டனா்.
சிவகாசி- ஸ்ரீவில்லிபுத்தூா் சாலையில் உள்ள வேண்டுராயபுரம் கிராமத்தில் கடந்த சில நாள்களுக்கு முன்பு இரவு நேரத்தில் ஆடு மற்றும் கோழிகள் திருடப்பட்டன. இதனால் அந்த கிராம இளைஞா்கள் இரவு வேலைகளில் காவல் பணியில் ஈடுபட்டனா்.
இந்நிலையில் கடந்த 4 நாள்களுக்கு முன்பு நள்ளிரவில் வேண்டுராயபுரம் வழியாக இருசக்கர வாகனத்தில் சென்ற ஏ.துலுக்கபட்டியைச் சோ்ந்த 2 இளைஞா்களை, ஆடு திருடவந்தவா்கள் என நினைத்து காவல் பணியில் ஈடுபட்டிருந்த அந்த கிராமத்து இளைஞா்கள் தாக்கியுள்ளனா்.
இதில் காயமடைந்த இருவரும் சிவகாசி அரசு மருத்துவமனையில் சிகிச்சை பெற்று வருகின்றனா். இளைஞா்கள் தாக்கப்பட்டது குறித்து புகாரளித்தும் மல்லி போலீஸாா் யாரையும் கைது செய்யவில்லையாம்.
இதனால் காவல்துறையைக் கண்டித்தும், தாக்கியவா்களை கைது செய்யக்கோரியும் ஏ.துலுக்கபட்டியைச் சோ்ந்த சுமாா் 100-க்கும் மேற்பட்டோா் சிவகாசி- விளாம்பட்டி சாலையில் தேன்காலனி பேருந்து நிறுத்தம் அருகே வெள்ளிக்கிழமை சாலை மறியலில் ஈடுபட்டனா். தகவல் அறிந்து வந்த சிவகாசி காவல் துணைக் கண்காணிப்பாளா் டி.பிரபாகரன், வட்டாட்சியா் ராமசுப்பிரமணியன் ஆகியோா் பொதுமக்களிடம் பேச்சுவாா்த்தை நடத்தினா். அப்போது அந்த கிராமத்தைச் சோ்ந்த லட்சுமி என்ற பெண் பாட்டிலில் கொண்டு வந்திருந்த மண்ணெண்ணெய்யை தனது உடலில் ஊற்றி தீக்குளிக்க முயன்றாா். இதைத் தடுக்க முயன்றபோது பெண் காவலா் கீா்த்திகாவுக்கு தலையில் காயம் ஏற்பட்டது. சிவகாசி அரசு மருத்துவமனையில் அவா் அனுமதிக்கப்பட்டாா்.
தொடா்ந்து, தாக்குதல் சம்பவத்தில் தொடா்புடைய வேண்டுராயபுரம் இளைஞா்கள் விரைவில் கைது செய்யப்படுவா் என காவல் துணைக் கண்காணிப்பாளா் உறுதியளித்ததைத் தொடா்ந்து போராட்டத்தை கைவிட்டுவிட்டு பொதுமக்கள் கலைந்து சென்றனா். மறியலால் சிவகாசி- விளாம்பட்டி சாலையில் சுமாா் 2 மணிநேரம் போக்குவரத்து பாதிக்கப்பட்டது. கரோனா பரவல் கட்டுப்பாடுகளை மீறி சாலை மறிலில் ஈடுபட்ட எ.துலுக்கப்பட்டியைச் சோ்ந்த சுமாா் 100-க்கும் மேற்பட்டோா் மீது மாரநேரி போலீஸாா் வழக்குப்பதிவு செய்துள்ளனா்.