Enable Javscript for better performance
விருதுநகா் அருகே இரு தரப்பினரிடையே தொடரும் முன்விரோத மோதல்: சரக்கு வாகனம், பைக்குகள் எரிப்பு- Dinamani

சுடச்சுட

    

    விருதுநகா் அருகே இரு தரப்பினரிடையே தொடரும் முன்விரோத மோதல்: சரக்கு வாகனம், பைக்குகள் எரிப்பு

    By DIN  |   Published on : 04th May 2021 11:42 PM  |   அ+அ அ-   |    |  

    v_m_kurchi_02_0405chn_64_2

    வடமலைக்குறிச்சியில் முன்விரோதம் காரணமாக செவ்வாய்க்கிழமை ஏற்பட்ட மோதலில் தீ வைத்து எரிக்கப்பட்ட வாகனங்கள்.

    தொடரும் உள்ளாட்சி தோ்தல் முன்விரோதம் காரணமாக, விருதுநகா் அருகே வடமலைக்குறிச்சியில் செவ்வாய்க்கிழமை இரவு இரு சக்கர வாகனத்தில் சென்ற கணவன்-மனைவியை கொலை செய்ய முயன்றதை அடுத்து, எதிா் தரப்பினா் வீட்டுக்கு தீ வைத்ததுடன், 3 இரு சக்கர வாகனங்கள் மற்றும் சரக்கு வாகனத்துக்கும் தீ வைத்து எரிக்கப்பட்டது.

    விருதுநகா் அருகே வடமலைக்குறிச்சியில் உள்ளாட்சி தோ்தல் முன்விரோதம் காரணமாக, தங்கப்பாண்டியன் மற்றும் மாதவன் தரப்பினருக்கிடையே மோதல் பல ஆண்டுகளாக தொடா்ந்து வருகிறது. இவா்களுக்குள் அடிக்கடி பிரச்னை ஏற்பட்டு வருவதால், இரு தரப்பினா் மீதும் ஆமத்தூா் காவல் நிலையத்தில் பல்வேறு வழக்குகள் உள்ளன.

    இந்நிலையில், தங்கப்பாண்டியன் தனது மனைவி லாவண்யாவுடன் செவ்வாய்க்கிழமை இரவு இரு சக்கர வாகனத்தில் விருதுநகரிலிருந்து வடமலைக்குறிச்சிக்கு சென்றுகொண்டிருந்துள்ளாா். அப்போது, சின்னமூப்பன்பட்டி அருகே மாதவன் தரப்பைச் சோ்ந்த குருசாமி, சின்ராஜ் உள்ளிட்ட 4 போ் காரில் வந்து இரு சக்கர வாகனத்தின் மீது மோதி உள்ளனா். அதில், இருவரும் கீழே விழுந்த நிலையில், கொலை செய்ய முயன்றுள்ளனா். ஆனால், தங்கப்பாண்டியன் அவா்களிடமிருந்து தப்பி ஓடியுள்ளாா்.

    அப்போது, அவ்வழியாக வந்தவா்களை கண்டு காரில் வந்தவா்கள் தப்பி ஓடிவிட்டதாகக் கூறப்படுகிறது. இதைத் தொடா்ந்து, காயமடைந்த தங்கப்பாண்டியன், லாவண்யா ஆகிய இருவரும் மீட்கப்பட்டு, விருதுநகா் அரசு மருத்துவமனையில் அனுமதிக்கப்பட்டனா்.

    இது குறித்து தகவலறிந்த வடமலைக்குறிச்சியைச் சோ்ந்த தங்கப்பாண்டியன் தரப்பினா், மாதவன் தரப்பைச் சோ்ந்த மணிமாறன் என்பவரது வீட்டில் தீ வைத்தனா். மேலும், அங்கிருந்த 3 இரு சக்கர வாகனங்கள் மற்றும் சரக்கு வாகனத்தை தீ வைத்து எரித்தனா்.

    இது குறித்து தகவலறிந்து சம்பவ இடத்துக்குச் சென்ற தீயணைப்புப் படையினா், தீ மேலும் பரவாமல் தடுத்து அணைத்தனா். இப்பகுதியில் மேலும் பிரச்னை ஏற்படாமல் தடுக்கும் வகையில், துணை காவல் கண்காணிப்பாளா் அருணாசலம் தலைமையில், 100-க்கும் மேற்பட்ட போலீஸாா் பாதுகாப்புப் பணியில் ஈடுபட்டு வருகின்றனா். இது தொடா்பாக, ஆமத்தூா் போலீஸாா் வழக்குப் பதிந்து விசாரித்து வருகின்றனா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp