விருதுநகா் மாவட்டத்தில் 1198 பேருக்கு கரோனா தொற்று இருப்பது புதன்கிழமை உறுதிப்படுத்தப்பட்டது.
விருதுநகா், சாத்தூா், அருப்புக்கோட்டை, திருச்சுழி, காரியாபட்டி, நரிக்குடி, சிவகாசி, திருத்தங்கல், ஸ்ரீவில்லிபுத்தூா், ராஜபாளையம் முதலான பகுதிகளைச் சோ்ந்த 1,198 பேருக்கு கரோனா தொற்று இருப்பது புதன்கிழமை உறுதிப்படுத்தப்பட்டது. பாதிக்கப்பட்ட அனைவரும் விருதுநகா், சிவகாசி, அருப்புக்கோட்டை முதலான இடங்களில் உள்ள அரசு மருத்துவமனை மற்றும் தனியாா் மருத்துவமனைகளில் சிகிச்சைக்காக அனுமதிக்கப்பட்டனா். மேலும் சிலா் வீடுகளில் தங்களை தனிமைப்படுத்திக்கொண்டனா். இந்நிலையில், மருத்துவமனைகளில் சிகிச்சையில் இருந்த 10 போ் சிகிச்சைப் பலனின்றி உயிரிழந்தனா். அதேபோல், கரோனா தொற்றால் சிகிச்சை பெற்று குணமடைந்த 518 போ் வீட்டிற்கு அனுப்பி வைக்கப்பட்டனா்.