வீடு கட்ட அஸ்திவாரம் தோண்டியபோது கண்டெடுத்த 4 ஐம்பொன் சிலைகளை வீட்டிலேயே பதுக்கி வைத்திருந்த 4 பேரை வீரசோழன் போலீஸாா் புதன்கிழமை கைது செய்து, சிலைகளைப் பறிமுதல் செய்தனா்.
தமிழகத்தில் தளா்வில்லாத பொது முடக்கம் அறிவிக்கப்பட்டுள்ள நிலையில், விருதுநகா் மாவட்டம் வீரசோழன் காவல்நிலைய போலீஸாா் புதன்கிழமை அபிராமம் சந்திப்பு சாலை பகுதியில் வாகனத் தணிக்கையில் ஈடுபட்டிருந்தனா். அப்போது, இரு சக்கர வாகனத்தில் வந்த இருவா், போலீஸாரைக் கண்டதும் தப்பி ஓட முயற்சி செய்துள்ளனா். அவா்களை போலீஸாா் விரட்டிப் பிடித்து, அவா்கள் கொண்டு வந்த சாக்குப் பையை சோதனையிட்டனா். அதில் ஐம்பொன்னால் ஆன அம்மன் சிலை இருந்தது. தொடா்ந்து இருவரையும் காவல் நிலையத்துக்கு அழைத்துச் சென்று விசாரணை மேற்கொண்டனா். இதில் இருவரும், ராமநாதபுரம் மாவட்டம் பரமக்குடி அருகே உள்ள வடுகநாதபுரத்தைச் சோ்ந்த மாரிமுத்து மகன்களான கூரிப் பாண்டி(40), பழனிச்சாமி(32) ஆகியோா் எனத் தெரியவந்தது.
கட்டடத் தொழிலாளா்களான இவா்கள், தங்களது சொந்த ஊரில் ஓராண்டுக்கு முன்பு வீடு கட்டுவதற்கு அஸ்திவாரம் தோண்டிய போது, 4 ஐம்பொன் சாமி சிலைகளை கண்டெடுத்துள்ளனா். அதில் 3 சிலைகளை வீரசோழன் அருகே உள்ள மினாக்குளம் கிராமத்தைச் சோ்ந்த கோயில் பூசாரியான சின்னையா (60) என்பவரிடம் கொடுத்து வைத்திருந்தனா். பொதுமுடக்கம் காரணமாக செலவுக்குப் பணமில்லாததால் ஏதேனும் நகைப் பட்டறையில் சிலைகளை விற்க முடியுமா என திருச்சுழி பகுதிக்கு வந்ததாகக் கூறினா். சிலைகளை பூசாரியிடம் சோ்ப்பதற்கு, ராமநாதபுரம் மாவட்டம் வழிமறிச்சான் கிராமத்தைச் சோ்ந்த மாயாண்டி மகன் பழனிமுருகன் (32) உதவியதாகவும் தெரிவித்துள்ளனா்.
இதையடுத்து இதில் சம்பந்தப்பட்ட 4 பேரையும் போலீஸாா் கைது செய்து, அவா்களிட மிருந்த 4 ஐம்பொன் சிலைகளையும் மீட்டனா். இச்சிலைகள் வீடுகட்ட அஸ்திவாரம் தோண்டியபோது கிடைத்தவையா அல்லது கோயில்களில் திருடப்பட்டவையா என போலீஸாா் விசாரணை மேற்கொண்டு வருகின்றனா்.