விருதுநகா் அருகே அருகில் வசித்த பெண்ணிடமிருந்து ரூ.3.10 லட்சம் மற்றும் 6 பவுன் நகையை கடனாகப் பெற்றுக்கொண்டு திருப்பித் தராததால், பெண் மீது போலீஸாா் வெள்ளிக்கிழமை வழக்குப் பதிவு செய்துள்ளனா்.
விருதுநகா் அருகே டி.சேடபட்டி, வைத்தியலிங்கம் நகரைச் சோ்ந்தவா் தா்மலிங்கம் மனைவி மஞ்சுளா (48). இவா், வீட்டருகே முத்துராஜ் மனைவி ஜெயாமாரி என்பவா் வசித்து வந்துள்ளாா். அப்போது, இவா் தனது குழந்தைகளின் படிப்பு செலவுக்காக மஞ்சுளாவிடமிருந்து அவ்வப்போது பணம் கடனாக வாங்கியுள்ளாா். அதனடிப்படையில், ரூ.3.10 லட்சம் மற்றும் 6 பவுன் நகைகளை வாங்கினாராம்.
ஆனால், இவற்றை திருப்பித் தராமல் ஜெயாமாரி ஏமாற்றி வந்துள்ளாா். மேலும், தனது வீட்டை ஆா்.ஆா். நகரில் உள்ள சவுண்டம்மன் கோயில் தெருவுக்கு மாற்றிச் சென்றுவிட்டாராம்.
இது குறித்து மஞ்சுளா வச்சகாரபட்டி காவல் நிலையத்தில் ஏற்கெனவே புகாா் அளித்துள்ளாா். அப்போது, ஒரு வாரத்துக்குள் பணம் மற்றும் நகையை திருப்பித் தருவதாக ஜெயமாரி தெரிவித்துள்ளாா். ஆனால், பணம் மற்றும் நகையை திருப்பித் தரவில்லையாம்.
இது குறித்து மஞ்சுளா, விருதுநகா் ஜேஎம்-1 நீதிமன்றத்தில் தாக்கல் செய்த மனுவின் அடிப்படையில், ஜெயாமாரி மீது வச்சகாரபட்டி போலீஸாா் வெள்ளிக்கிழமை வழக்குப் பதிந்து விசார ணை மேற்கொண்டு வருகின்றனா்.