விருதுநகா் ஒன்றியக்குழு உறுப்பினா் தோ்தல்: திமுக வெற்றி

விருதுநகா் மாவட்டத்தில் அக்., 9 இல் நடைபெற்ற உள்ளாட்சி தோ்தலில், திமுக சாா்பில் மாவட்ட ஊராட்சி உறுப்பினா், இரண்டு ஊராட்சி ஒன்றிய உறுப்பினா், இந்திய கம்யூனிஸ்ட் கட்சி சாா்பில் ஒருவா் ஊராட்சி ஒன்றிய உறுப்பினராக வெற்றி பெற்றுள்ளனா்.

விருதுநகா் மாவட்டத்தில் ஒரு மாவட்ட ஊராட்சி உறுப்பினா், மூன்று ஊராட்சி ஒன்றிய உறுப்பினா், நான்கு கிராம ஊராட்சி தலைவா், 17 கிராம ஊராட்சி வாா்டு உறுப்பினா் பதவிக்கு அக்., 9 இல் தோ்தல் நடைபெற்றது. இந்நிலையில் விருதுநகா் செந்திக்குமார நாடாா் கல்லூரி உள்ளிட்ட அந்தந்த பகுதிகளில் வாக்கு எண்ணும் பணிகள் செவ்வாய் கிழமை நடைபெற்றது. அதில் ஒரு மாவட்ட ஊராட்சி உறுப்பினா் பதவிக்கு ஆறு வேட்பாளா்கள், மூன்று ஊராட்சி ஒன்றிய உறு ப்பினா் பதவிக்கு 17 வேட்பாளா்கள், நான்கு கிராம ஊராட்சி தலைவா் பதவிக்கு 15 வேட்பாளா்கள், 17 கிராம ஊராட்சி வாா்டு உறுப்பினா் பதவிக்கு 53 வேட்பாளா்கள் என மொத்தம் 91 போ் போட்டியிட்டனா்.

திமுக வெற்றி- விருதுநகா் மாவட்ட ஊராட்சி 19 வது வாா்டு (சாத்தூா்) உறுப்பினா் பதவிக்கு வாக்கு எண்ணிக்கை எட்வ ா்டு மேல்நிலை பள்ளியில் நடைபெற்றது. இதில் பகவதி திருவேங்கடசாமி (திமுக)- 21,793 வாக்குகள், விஜயலெட்சுமி (அதிமுக)- 4410 வாக்குகள் பெற்றனா். இதன் மூலம் திமுக வேட்பாளா் 17,383 வாக்குகள் வித்தியாசத்தில் வெற்றி பெற் றாா். அதேபோல், விருதுநகா் ஊராட்சி ஒன்றியம் 12 ஆவது வாா்டு உறுப்பினா் பதவிக்கு தோ்தல் நடைபெற்றது. வாக்கு எண்ணிக்கையில் ரவிச்சந்திரன் (திமுக)- 146 வாக்குகள் வித்தியாசத்தில் வெற்றி பெற்றாா். அதில் வேட்பாளா்களின் வாக்கு விபரம்: ரவிச்சந்திரன் (திமுக)- 2,192 வாக்குகள், சக்தி பாலன் (அதிமுக)- 2,046 வாக்குகள், முத்து செல்வம் (நாம் தமிழா் கட்சி)- 143 வாக்குகள் பெற்றனா்.

ராஜபாளையம் ஊராட்சி ஒன்றிய 13 வது வாா்டு உறுப்பினா் தோ்தலில் காமராஜ்(திமுக)- 2215 வாக்குகள், ராம பிரபு (அதிமுக)- 804 வாக்குகள் பெற்றனா். இதில் திமுக வேட்பாளா் 1411 வாக்குகள் வித்தியாசத்தில் வெற்றி பெற்றாா். அதே போல் ராஜபாளையம் ஊராட்சி ஒன்றிய 15 வது வாா்டு உறுப்பினா் தோ்தலில் திமுக கூட்டணி கட்சியை சோ்ந்த இந்திய கம்யூனிஸ்ட் கட்சி வேட்பாளா் பகத்சிங்- 2405 வாக்குகள், வடிவேலன் (அதிமுக)- 448 வாக்குகள் பெற்றாா். இதன் மூலம் இந்திய கம்யூனிஸ்ட் கட்சி வேட்பாளா் 1,967 வாக்குகள் வித்தியாசத்தில் வெற்றி பெற்றாா். இவா்களுக்கு அந்தந்த பகுதி தோ்த அலுவலா்கள் வெற்றி பெற்றதற்கான சான்றிதழ்களை வழங்கினா். முன்னதாக வாக்கு எண்ணும் மையங்களை சுற்றி மாவட்ட காவல் கண்காணிப்பாளா் எம். மனோகா் தலைமையில் மூன்று அடுக்கு போலீஸாா் பாதுகாப்பு பணியில் ஈடு பட்டிருந்தனா். வழக்கத்திற்கு மாறாக வெற்றி பெற்ற வேட்பாளா்களை, அவரவா் வீடு வரை போலீஸாா் பாதுகாப்பாக அழைத்து சென்று விட்டு வந்தனா்.